Украинаг ӕфсад артиллерион ӕхсты бын фӕкодта Донецкы горӕттӕ ӕмӕ хъӕутӕ

ДАР: украинаг ӕфсад артиллерион ӕхсты бын фӕкодта Донецкы

18
(ранӕуӕггонд 10:48 23.06.2015)
Ӕхсӕвы ӕхстыты рӕстӕджы архайдтой минометтӕй, реактивон системӕ "ГРАД"-ӕй, уӕззау артиллерийӕ. Фӕмард ӕртӕ сабыр цӕрӕджы, ис дзы цӕфтӕ дӕр, хъусын кӕны ДАР-ы хицауад.

ЦХИНВАЛ, 23 июн — Sputnik. Ивгъуыд ӕхсӕв украинаг ӕфсад ӕхсты бын фӕкодта Донецк ӕмӕ уымӕ ӕввахс лӕууӕг цӕрӕн пункттӕ, фехъусын кодта Донецкы Адӕмон республикӕйы хицауад.

Донбассы ӕфсӕддон архӕйдтыты зонӕйы архайы ӕхст ӕрлӕууыны режим. Уый тыххӕй фидыдад къухты бафтыд афтӕ хуыйнӕг "Нормандаг цыппар"-ы бадзырдты рӕстӕджы.

Донецкы хицауады информацимӕ гӕсгӕ, ӕхсӕвы ӕхстыты рӕстӕджы архайдтой минометтӕй, реактивон системӕ "ГРАД"-ӕй, уӕззау артиллерийӕ.

Хъахъхъӕнынады министрад ӕмӕ ДАР-ы бынӕттон хицауад хъусын кӕнынц ӕртӕ сабыр цӕрӕджы фӕмарды тыххӕй, ис дзы цӕфтӕ дӕр.

Ивгъуыд азы апрелы мӕйы Украинӕйы хицауад райдыдта пайда кӕнын Донбассы сабыр цӕрджыты ныхмӕ тыхон ӕперацийӕ.
ООн-ы фӕстаг бӕрӕггӕнӕнтӕм гӕсгӕ конфликты амӕттӕгтӕ фесты 6,4 мин адӕймаджы. Донбассы уавӕр ӕрбӕстон кӕныны фарстыл бадзырдтӕ цӕуы, Минскы контактон къорды фембӕлдтыты рӕстӕджы.

18