Римы байгом Хуссар Ирыстоны минæварад

© Sputnik / Наталья Селиверстова /  Ахизын медиабанкмæРим
Рим - Sputnik Хуссар Ирыстон
Рафыссын
Хуссар Ирыстоны минæварад Италийы райдыдта йæ куыст, официалон æгъдауæй та байгом уыдзæн 2 апрелы.

ЦХИНВАЛ, 21 мар — Sputnik. Италийы столицæйы байгом Хуссар Ирыстоны официалон минæварад, фехъусын кодта социалон хызæг Facebook Хæларады æхсæнад Итали —Хуссар Ирыстоны президент Мауро Мурджа.

"Республикæ Хуссар Ирыстоны минæварад Италийы ссис реалон. Æртæ аз тыхбыны куысты фæстæ мах сæрыстырæй дзурæм абон, кæй нын рауад ацы хъуыддаг саразын", — ныффыста Мурджа.

Спикер: Италийы парламент ӕркӕсдзӕн Хуссар Иры хӕдбардзинад банымайыны фарстмӕ

Йæ ныхæстæм гæсгæ, ацы куыстæн бирæ бæрцæй фæахъаз адвокат Андреа Корсини. Ныр Италийы территорийыл уæвæг хуссарирыстойнаг æмбæстæгтæн бахъуыды рæстæджы фадат уыдзæн райсын квалификацион æххуыс.

"Афтæ ма Италийы æмбæстæгтæн, кæцыты фæнды Хуссар Ирыстонмæ æрцæуын, фадат ис республикæйы тыххæй æнæмæнгхъæуæг зонæнтæ, визæтæ райсыны фæдыл информаци райсын æмæ а. д.", — банысан кодта Мурджа.

Уый ма банысан кодта, ацы цауæн кæй ис фундаменталон нысаниуæг "Республикæ Хуссар Ирыстон Италийы æрдыгæй банымайыны реалон перспективæйæн".

Хуссар Ирыстоны минæварад официалон æгъдауæй та байгом уыдзæн 2 апрелы.

Ирон уӕлибыхтӕн Италийы уыдзӕн презентаци

2013 азы Хуссар Ирыстон æмæ Абхаз бахатыдысты Итали æмæ Сан-Мариномæ, цæмæй сын банымайон сæ хæдбардзинад. Фæлæ ныры онг ацы бæстæты хицауадæй нырма ницы дзуапп райстой.

Фарон горæт Цхинвал æмæ цалдæр италиаг горæты бафыстой æмгуыстады фæдыл бадзырдтæ. Уымæй дарддæр ма, италиаг партитимæ рæвдз кæнынц æмгуыстад Хуссар Ирыстоны политикон баиугæндтæ дæр.

Ног хабӕртты лентӕ
0