ЦХИНВАЛ, 10 мар — Sputnik. Бастдзинады æфсады командон — штабон ахуыртæ ацыдысты уæрæсейаг æфсæддон базæйы Хуссар Ирыстоны. Ахуыртæ ма уагъд æрцыдысты Хуссар æфсæддон зылды (ХÆЗ) полигонтыл, хайад сæ райстой æфсæддон æмæ сæрмагонд техникæйы 1,5 мин иуæджы, фехъусын кодта цыппæрæмы зылды пресс-службæ.
Ахуырты рæстæджы цифрæйон гуылфæнтæ аххæсдзысты ХФЗ-ы æппæт территорийыл — адаргъ уыдзысты Стыр Кавказаг рагъыл, ахиздзысты Къерчаг донкъубалыл æмæ фæахъаз уыдзысты цалдæр хатт фæфылдæр кæнын Хъырымаг æрдæгсакъаддахыл дисслокацигонд æфсадмæ информаци адæттыны тагъддзинад.
"Æфсæддон æмæ сæрмагонд техникæйы 1,5 мин иуæджы, уый нымæцы бастдзинады нырыккон цифрæйон радио-, радиорелейон, тропосферон æмæ спутникон станцтæ æмæ комплекстæ райстой хайад ХÆЗ-ы бастдзинады æфсады комплексон-штабон ахуырты. Ахуыртæ уагъд цæуынц Хуссар, Цæгат-Кавказаг æмæ Хъырымаг федералон зылдты 35 полигонтыл, афтæ ма уæрæсейаг æфсæддон базæтыл Сомихстоны, Абхазы æмæ Хуссар Иры", — дзырдæуы хъусинаджы.
Нысан цæуы, командон-штабон ахуыртæ уагъд кæй цæуынц Уæрæсейы Федерацийы Электробастдзинады иумæйаг хызæджы оператортимæ æмгуыстады практикон фæлтæрддзинад фæбæрзонддæр кæныны нысанæн.