ЦХИНВАЛ, 14 июн — Sputnik. Хуссар Ирыстоны МХМ-ы рæстæгмæдарæн изолятормæ бацæуæны цур цы лæгмард æрцыд, уый аххосджын Кобесты Тимурæн рахастæуыд тæрхон 8 аст ахæсты фæбадын, фехъусын кодта Уæлдæр тæрхондоны сæргълæууæг Хуыгаты Илонæ.
Ацы аз январы рӕстӕгмӕ дарӕн изоляторы территорийыл Кобесты Тимур мæлæтдзаг æхст фæкодта республикæйы æмбæстаг Тъотъоты Ацæмæзы, кæцы уый размæ машинӕйӕ ныццавта дыууӕ сылгоймаджы ӕмӕ дыууӕ дӕр фӕмард сты. Тъотъойы фырты чи фехста, уый уыд фæмардуæвæг сылгоймæгтæй иуы фырт. Æрфарсты рæстæджы уый загъта, кæй нæ быхста, шофыр йæ мады удисгæйæ кæй ныууагъта цауы бынаты æмæ йæхи кæй бааууон кодта.
Тъотъоты Ацæмæзы фехстой тæрхондонон рабадты фæстæ, аххосджыны тæрхондоны бæстыхайæ куы фæцæй кодтой Мидхъуыддæгты министрады рæстæгмæ дарæн изолятормæ, уӕд. Кобесы фырт цалдæр æхст фæкодта Тъотъойы фырты изолятормæ бахизæны, цæй фæстиуæгæн уый фæмард бынаты. Кобесты Тимуры æрцахстой цауы бынаты.
"Тъотъоты Ацæмæзы амарыны фæдыл хъуыддаг æрцыд æхгæд. Ацы хъуыддаджы азымгонд Кобесты Тимурæн рахастæуыд аст азы ахæстоны фæбадын", — загъта Хуыгаты Илона, республикæйы сæргълæууæгæн тыхон структурæты къухдариуæггæнджытимæ цы фембæлд уыд, уым.
Инциденты фæдыл МХМ ауагъта кусæгон басгæрст, цæй фæстиуджытæм гæсгæ баконд æрцыдысты уголовон хъуыддæгтæ рæстæгмæдарæн изоляторы кусджыты ныхмæ. Цауы фæдыл бæрнон кусджыты аиуварс кодтой сæ куыстæй. Сæ аххосы бæрц бæлвырд æрцæудзæн слестгæнӕн мадзæлтты фæстæ.
