ЦХИНВАЛ, 19 окт — Sputnik. Республикæйы президент Бибылты Анатолий фехъусын кодта, Хуссар Ирыстон Уæрæсейы æмвæз кæй нывæнды уæрæхæй банысан кæнын Аланийы дзуарæфтыдыл 1100 азы сæххæст, кæцы иу кæны ирон адæмы, дзырдæуы президенты пресс-службæйы хъусинаджы.
Амæй размæ УФ президент Владимир Путин бафыста указ Аланийы дзуарæфтыдыл 1100 азы сæххæст паддзахадон æмвæзадыл банысан кæныны тыххæй 2022 азы. Нырыккон ирæтты фыдæлтæ – аланты паддзахад – уыд æвæрд територрийыл, кæцыйыл ныртæккæ ис Цæгат Кавказы цалдæр республикæйы.
"Уый у нысаниуæгджын датæ, кæцы æмрæстæджы æвдисы, алантæ цы фæндаг равзæрстой æмæ адæмы иудзинады факт – дзуарæфтыд райсгæйæ, алантæ дих нæ цыдысты цæгаттаг æмæ хуссайрæгтыл, ныгуылæйнаг æмæ скæсæйнæгтыл. Нæ фыдæлты иу хай дзуарæфтыд райстой ноджы раздæр — I æмæ II æнусты, фæлæ XI æнусы размæ чырыстон дин ссис алайнаг паддзахады цæрджыты æмбаргæ культурон æмæ цивилизацион равзæрст", — загъта Бибылты Анатолийы.
Аланийы дзуарæфтыд уæрæхæй нысан цæудзæн Цæгат Ирыстоны дæр. Республикæйы сæргълæууæг Битарты Вячеслав банысан кодта, бæрæгбоны банысан бахахх кæндзæн чырыстон дины нысаниуæг Цæгат Кавказы æмæ ахъаз уыдзæн æхсæнконфессионалон диалогы размæцыдæн.