156 лет со дня рождения Коста Хетагурова

Дзӕуджыхъӕуы бакӕндзысты ирон ӕвзаджы студи

18
(ранӕуӕггонд 12:25 25.12.2015)
Студи фыццаг этапы райсдзӕн 100 адӕймаджы, кӕцытӕ ӕртӕ мӕйы дӕргъы ахуыр кӕндзысты ирон ӕвзаг ӕнӕаргъӕй.

ЦХИНВАЛ, 25 дек — Sputnik. Ирон ӕвзаджы студи скусдзӕн ӕрбалӕугӕ азы райдайӕны Цӕгат Ирыстоны, ныридӕгӕн уал ын Дзӕуджыхъӕуы уагъд ӕрцыд презентаци, хъусын кӕны ПТРК "Алания".

Фыццаг этапы ахуырмӕ бавналдзысты фыццаг 100 адӕймаджы. Уыдон ирон ӕвзагыл цайдагъ кӕндзысты ӕртӕ мӕйы дӕргъы, зонгӕ кӕндзысты ирон культурӕ ӕмӕ литературӕимӕ, уыдзӕн сын фембӕлдтӕ фысджытӕ ӕмӕ Дзӕуджыхъӕуы ирон театры артисттимӕ.

"Ахӕм студитӕ бакӕнын хъӕуы районты дӕр. Ис бирӕ адӕм, кӕцыты фӕнды сахуыр кӕнын ирон ӕвзаг", — загъта Цӕгат Ирыстоны парламенты сӕрдар Алексей Мачнев студийы презентацийы рӕстӕджы.

Презентацийы ма хайад райстой парламенты депутаттӕ, ирон ӕвзаг ӕмӕ литературӕйы ахуыргӕнджытӕ ӕмӕ сфӕлдыстадон интеллигенцийы минӕвӕрттӕ.

18