РЦИ-А сӕргълӕуӕджы хӕстӕ рӕстӕгмӕ ӕххӕстгӕнӕджы снысан кӕндзӕн Уӕрӕсейы президент

© Sputnik / сайт мэрии ВладикавказаДзӕуджыхъӕу
Дзӕуджыхъӕу - Sputnik Хуссар Ирыстон
Рафыссын
Битарты Вячеслав баззайдзӕн премьеры бынаты, субъекты сӕргълӕууӕджы хӕстӕ рӕстӕгмӕ ӕххӕстгӕнӕг та нысан ӕрцӕудзӕн президент Владимир Путины барамындӕй.

ЦХИНВАЛ, 19 фев — Sputnik. Цӕгат Ирыстоны хицауады сӕрдар Битарты Вячеслав баззайдзӕн йӕ раздӕры бынаты, субъекты сӕргълӕуӕджы хӕстӕ рӕстӕгмӕ ӕххӕстгӕнӕг та нысан ӕрцӕудзӕн бӕстӕйы президент Владимир Путины барамындӕй, фехъусын кодта РИА Новости хицауады минӕвар.

Уымӕй размӕ республикӕйы хицауады пресс-службӕйы фехъусын кодтой, ЦИ-А сӕргълӕууӕджы амӕлӕты фӕстӕ Битарты Вячеслав кӕй ӕххӕст кӕндзӕн республикӕйы къухдариуӕггӕнӕджы хӕстӕ.

Битарты Вячеслав - Sputnik Хуссар Ирыстон
РЦИ-А сӕргълӕууӕджы хӕстӕ рӕстӕгмӕ ӕххӕст кӕндзӕн Битарты Вячеслав

"Субъекты сӕргълӕууӕджы хӕстӕ рӕстӕгмӕ ӕххӕстгӕнӕг нысан ӕрцӕудзӕн бӕстӕйы президенты барамындӕй, Битарты Вячеслав та баззайдзӕн йӕ бынаты", — загъта агентады ныхасӕмбал.

Цӕгат Ирыстоны, куыд къорд цӕгаткавказаг республикы, аивтой комкоммӕ ӕвзӕрстытӕ — регионы сӕргълӕууӕджы ӕвзары закъондӕттӕг орган президенты бавдисгӕ ӕртӕ кандидатурӕйӕ.

Республикӕйы конституцийы домӕнмӕ гӕсгӕ, ӕмгъуыдӕй раздӕр ӕвзӕрстытӕ ауадзынц ӕхсӕз мӕймӕ.

Ӕгъуызарты Тамерлан, кӕцы ЦИ-А сӕргълӕууӕгӕй куыста 2015 азӕй, йӕ цардӕй ахицӕн 53 азы кары майрӕмбоны Мӕскуыйы.

Ног хабӕртты лентӕ
0