Скъоладзау хаты уӕлибӕх ЮНЕСКО-йы номхыгъдмӕ бахӕссын

© Пресс-служба "Eventica"Ирон уӕлибӕх
Ирон уӕлибӕх - Sputnik Хуссар Ирыстон
Рафыссын
Бязырты Артем ацы темӕйыл ныффыста куыст ӕмӕ рамбылдта конкурс "Ступень в науку"-йы регионалон этап.

ЦХИНВАЛ, 22 фев — Sputnik. Цӕгатирыстойнаг 8-ӕм къласы ахуырдзау Бязырты Артем хаты ирон уӕлибӕхтӕ ЮНЕСКО-йы номхыгъдмӕ бахӕссынмӕ, хъусын кӕны газет "Аргументы и факты".

Скӕнӕм ирон уӕлибӕхтӕ - Sputnik Хуссар Ирыстон
Скӕнӕм ирон уӕлибӕхтӕ

Ахуырдзау бацӕттӕ кодта куыст ирон уӕлибӕхы ӕрцӕттӕ кӕныны сусӕгдзинӕдтыл, йӕ нысаниуӕгыл ирон адӕмы царды, ӕмӕ рамбылдта конкурс "Ступень в науку"-йы регионалон этап.

"Уӕлибӕх ирон къӕбицы хуымӕтӕг хӕринаг нӕу, фӕлӕ ӕнӕхъӕн культурӕ. Йе ‘рцӕттӕ кӕныны сусӕгдзинӕдтӕ та нын баззадысты рагфыдӕлтӕй ӕмӕ хъуамӕ ӕнӕмӕнгӕй конд уа ирон цыхтӕй. Уымӕ гӕсгӕ курын, цӕмӕй хаст ӕрцӕуа ЮНЕСКО-йы ӕнӕматериалон бынтӕм", — загъта ахуырдзау.

Бязырты Артемы хъуыдымӕ гӕсгӕ, уӕлибӕхӕн дунейон бренды ном куы радтой, уӕд фӕфылдӕр уыдзӕн туристты нымӕц Цӕгат Ирыстонмӕ дӕр.

Ног хабӕртты лентӕ
0