Битарты Вячеслав ӕмӕ Максим Топилин

Топилин: сахъат адæмы хъæуы сифтонг кæнын куыстæй

15
(ранӕуӕггонд 13:04 08.11.2016)
УФ фæллой æмæ социалон рæзты министр Максим Топилин базонгæ ис Цæгат Ирыстоны сахъат адæмы куыстæй ифтонгады уавæримæ.

ЦХИНВАЛ, 8 ноя — Sputnik, Болататы Алина. Уӕрӕсейы фæллой æмæ социалон рæзты министр Максим Топилин базонгæ ис Цæгат Ирыстоны сахъат адæмы куыстæй сифтонг кæныны фæдыл проблемæтимæ. Республикæйы сæргълæууæг Битарты Вячеслав ӕмӕ хицауады уæнгтимæ уый бабæрæг кодта дзæуджыхъæуккаг куыстифтонгады центр.

Центры хистæр Къаболаты Ларисайы ныхæстæм гæсгæ, республикӕйы 26 мин инвалидæй куыстхъом кары чи ис, уыдонæй куыстæй ифонг æрцыд 6 мины.

"Ацы адæмæн куыст ссарыны зындзинад уый мидæг ис æмæ республикæйы хъæугæ ваканситæ нæй.Уымæй дарддæр ма кусы бынæтты квотæты фæдыл закон", — загъта комитеты сæрдар.

Йæ ныхæстæм гæсгæ, ацы закон æххæст кæны амалиуæгадты 83%, фæлæ уæддæр инвалидты куыстæй сифтонг кæныны процент нæу бæрзонд.

Инвалидты регионалон æхсæнадон организаци "Независимая жизнь"-ы сæрдар Сергей Саутин радзырдта Топилинæн, сахъат адæмæй бирæты кӕй фæнды кусын, фæлæ сын фадæттæ нæй.

"Гæнæн ис адæймагмæ ис зонындзинæдтæ, ис æм диплом дæр. Фæлæ куыстмæ бацæуын уымæн у стыр проблемӕ", — загъта Саутин.

Министры кусæгон балцы пункттæй иу уыд фыдызгъæлы рауагъдад "Дюбуа"-мæ бацыд, цы ран 400 кусæджы хсæн фæллой кæны 11 инвалиды.

Уый фæстæ æмбырды рæстæджы министр бафиппайдта, инвалидты куыстæй ифтонгады бæрæггæнæнтæ кӕй хъæуы фæбæрзонддæр кæнын.

"Ныридæгæн Цæгат Ирыстоны инвалидтæй куыстæй ифтонг сты сӕ 30%. Ӕнгæс уавæр ис ЦКФЗ республикæты дæр. Фæлæ махæн нæ хæс у ацы бæрæггæнтæ 50-60 процентмӕ ракæнын", — банысан кодта Топилин.

Йæ ныхæстæм гæсгæ, æппæт бæрӕггæнæнтæ инвалидты фæдыл куыстæй ифтонгады комитетмæ хъуамæ æрбавдиса медико-социалон экспертизӕ.

Федералон министр банысан кодта, зӕгъгӕ, паддзахад стыр финансон фæрæзтæ дих кæны нывæзт "Доступная среда"-йы æххæст кæныны оххыл. Фæлæ фæстæдæр ацы нывæзт æрæхгæндзысты, уымæн æмæ уый ис субъекты бæрны. Йæ нæхæстæм гæсгæ, куыст хъæуы афтæ сфидар кæнын, цæмæй æппæт структурæтæ дæр, кæцытæ архайынц арæзтады, транспорты, культурæйы, ахуырады æмæ æндæр фадгуыты, кусой программæ "Доступная среда"-йы фæлгæтты.

15
Хадыхъаты Алла

Ирон зарӕггӕнӕг хайад райсдзӕн "Голос 60+"-ы

8
(ранӕуӕггонд 13:25 13.08.2020)
Хадыхъаты Алла у Цӕгат ӕмӕ Хуссар Ирыстоны адӕмон артисткӕ, Абхаз ӕмӕ Мӕхъӕлы схуыхт артисткӕ

ЦХИНВАЛ, 13 авг – Sputnik. Цæгатирыстойнаг зарæггæнæг Хадыхъаты Алла суыдзæн Фыццаг каналы вокалон гранд-проект "Голос 60+"-ы архайæг. Ацы хабар мыхуыр ӕрцыд мадзалы официалон сыфыл социалон хызӕг Инстаграмы, хъусын кӕны 15 регион.

"Æппæт разамонджытæ дæр сты тынг хорз зарæггæнджытæ. Лобода абоны бон у мæ уарзондæр зарæггæнæг Алла Пугачевайы фæстæ", - загъта Хадыхъаты Алла.

"Голос 60+"-ы ног æртыккаг сезоны разамонджытæ уыдзысты ахæм артисттæ, куыд Лев Лещенко, Гарик Сухачев, Елена Ваенга.

Хадыхъаты Алла у Цӕгат ӕмӕ Хуссар Ирыстоны адӕмон артисткӕ, Абхаз ӕмӕ Мӕхъӕлы схуыхт артисткӕ.

8
Терк

Терчы ссардтой сылгоймаджы буар. Цæгат Иры ДИФ хъусын кæнынц, чидæр æй кæй амардта

5
(ранӕуӕггонд 12:24 12.08.2020)
Ацы фыдракæнд саразыны барадхъахъхъæнджыты зæрдæ æхсайы сылгоймаджы æмдзæрин - республикæйы Горæтгæрон районы 55-аздзыд цæрæгмæ

ЦХИНВАЛ, 12 авг — Sputnik. Цæгат Ирыстоны Терчы цæугæдоны ссардтой алагиры 60-аздзыд цæрæг сылгоймаджы мæрдон буар, кæцыйы, развæлгъау бæрæггæнæнтæм гæсгæ, чидæр амардта, хъусын кæны 15 регион.

Порталы информацимæ гæсгæ, сылгоймаджы цæсгом, къухтæ æмæ къæхтыл зынд фыдмарды бæрæггæнæнтæ. Ацы фыдракæнд саразыны барадхъахъхъæнджыты зæрдæ æхсайы сылгоймаджы æмдзæрин - республикæйы Горæтгæрон районы 55-аздзыд цæрæгмæ.

Куыд рабæрæг, афтæмæй уыцы бон, æрдзы хъæбысы улæфгæйæ, дыууæйы æхсæн æрцыд хыл, уый фæстиуæгæн сылгоймаг ахауд æмæ ныццавта йæ сæр. Уый фæстæ йын нæлгоймаг цалдæр хатты йæ сæр ныццавта дурæй, стæй йын йæ мæрдон буар ныппæрста Терчы.

Нæлгоймаджы æрцахстой, уый басаст йæ фыдракæндыл, ныр æм æнхъæлмæ кæсы 15 азы онг ахæстон.

5
Рӕмонаты Сослан

Олимпиаг чемпион Рӕмонаты Сослан фӕнд кӕны фæивын йӕ уӕзы категори тренер

0
(ранӕуӕггонд 15:50 13.08.2020)
Ирон спортсмен ссис Олимпиадӕйы уӕлахиздзау Рио-де-Жанейройы 65 килограммы уӕзы категорийы

ЦХИНВАЛ, 13 авг — Sputnik. Риойы Олимпиадӕйы уӕлахиздзау, ирон уӕгъдибар хъӕбысӕйхӕцӕг Рӕмонаты Сослан Уӕрӕсейы чемпионаты архайдзӕн 65 кӕнӕ 70 килограммы уӕзы категорийы, хъусын кӕны Р-Спорт спортсмены тренер Мӕргъиты Анатолийы ныхӕстыл ӕнцойгӕнгӕйӕ.

Мӕргъиты Анатолийы ныхӕстӕм гӕсгӕ, хъӕбысӕйхӕцӕг схос кодта йӕ травмӕйӕн ӕмӕ ныр ӕххӕст тренировкӕтӕ уадзы егъау турнирмӕ, кӕцы ацӕудзӕн октябры.

"Рӕмонаты Сослан архайдзӕн Уӕрӕсейы чемпионаты. Уӕзы категорийы тыххӕй мах аныхас кӕндзыстӕм Уӕрӕсейы сӕйраг тренер Тедеты Дзамболатимӕ. Кӕд турниры фӕстиуӕгӕн уа ахсджиаг бынат дунейы чемпионат ӕмӕ Олимпиадӕйы ӕвзӕрстытӕм – уӕд тох кӕндзыстӕм нӕхи уӕзы, 65 килограммы. Кӕнӕ та схиздзыстӕм бӕрзонддӕр категоримӕ", - загъта тренер.

Мӕргъиты Анатолий банысан кодта, спортсмены хӕслӕвӕрд у хайад райсын дунейы чемпионаты Сербийы, фӕлӕ Рӕмонаты Сослан ӕмӕ йӕ тренеры сӕйраг интерес у Олимпиадӕ Токиойы.

0