Тагъд ӕххуысы ног машинӕтӕ

Цӕгат Иры дӕрддзӕф районтӕ райстой "Тагъд ӕххуысы" ног машинӕтӕ

5
Цӕгат Ирыстоны дӕрддзӕф районты цӕрджытӕн фӕзынд фадат тагъд ӕмӕ оперативон медицинон ӕххуыс исын "Тагъд ӕххуысы" ног машинӕты фӕрцы.

ЦХИНВАЛ, 21 ноя — Sputnik, Болататы Алина. Тагъд ӕххуысы ног машинӕтӕ фӕхуыздӕр кӕндзысты Цӕгат Ирыстоны районты цӕрджытӕн медицинон лӕггӕдты гъӕд, загъта РЦИ- Аланийы хицауады сӕргълӕууӕг Тускъаты Таймураз районон рынчындӕтты сӕргълӕуджытӕм машинӕты дӕгъӕлтӕ дӕтгӕйӕ.

Районтӕн къуырисӕры лӕвӕрд ӕрцӕуыдзысты аст машинӕйы: "B" классы авд автомашинӕйы ӕмӕ иу реанимобиль.

"Ныртӕккӕ скъуыддзаг цӕуы тынг ахсджиаг хӕслӕвӕрд — не ′мбӕстӕгты цардуаджы гъӕд фӕхуыздӕр кӕнын. Ӕнӕниздзинад хъахъхъӕнынады материалон-техникон базӕ фидар кӕнын у нӕ медицинӕйы размӕцыды ахсджиаг фактор. Ацы автомашинӕтӕ лӕвӕрд ӕрцӕудзысты республикӕйы районон рынчындӕттӕм, баххуыс кӕндзысты сӕдӕгай адӕймӕгты мӕлӕтӕй фервӕзын кӕнын", — банысан кодта хицауады сӕргълӕууӕг.

Ног машинӕтӕ ифтонг сты нырыккон медицинон ифтонггарзӕй: дефибриллятор, ЭКГ-аппараттӕ, шокы ныхмӕ афтеччытӕй ӕмӕ ӕвӕстиат медицинон ӕххуыс бакӕныны ӕмбырдгондтӕ.

  • РЦИ- Аланийы хицауады сӕргълӕууӕг Тускъаты Таймураз районон рынчындӕтты сӕргълӕуджытӕм радта машинӕты дӕгъӕлтӕ.
    РЦИ- Аланийы хицауады сӕргълӕууӕг Тускъаты Таймураз районон рынчындӕтты сӕргълӕуджытӕм радта машинӕты дӕгъӕлтӕ.
    © Sputnik / Алина Болотаева
  • Тагъд ӕххуысы ног машинӕтӕ
    "Тагъд ӕххуысы" ног машинӕтӕ
    © Sputnik / Алина Болатаева
  • Тагъд ӕххуысы ног машинӕтӕ
    "Тагъд ӕххуысы" ног машинӕтӕ
    © Sputnik / Алина Болотаева
1 / 3
© Sputnik / Алина Болотаева
РЦИ- Аланийы хицауады сӕргълӕууӕг Тускъаты Таймураз районон рынчындӕтты сӕргълӕуджытӕм радта машинӕты дӕгъӕлтӕ.

Ӕнӕниздзинад хъахъхъӕнынады министр Михаил Ратманов куыд загъта, афтӕмӕй машинӕтӕ райстой республикӕйы столицӕйӕ иууыл дӕрддзӕф районтӕ.

"Ам автомобилон материалон-техникон ифтонгад у мӕгуырау. Машинӕтӕ хъӕуынц уый тыххӕй, цӕмӕй нӕ республикӕйы дӕрддзӕф районтӕй пациенттӕн уа фадат оперативонӕй фӕхӕццӕ кӕнын централон районон рынчындӕттӕ ӕмӕ Дзӕуджыхъӕуы раззагондӕр клиникӕтӕм", — загъта министр.

Йӕ ныхӕстӕм гӕсгӕ, рынчындӕтты ифтонгад нӕ балхынцъ уыдзӕн тагъд ӕххуысы машинӕтӕй сифтонг кӕнынӕй — ацы лӕвар у фыццаг къахдзӕф. 2017 азы адарддӕр уыдзӕн республикӕйы (уыдон нымӕцы столицӕйы) рынчындӕтты парчы ифтонгад. Ӕдӕппӕт тагъд ӕххуысы машинӕтӕ райстой ӕхсӕз районы: Мӕздӕджы, Кировы, Ӕрыдоны, Алагиры, Гӕрӕтгӕрон ӕмӕ Ирӕфы районтӕ. Тагъд ӕххуысы машинӕтӕ ӕлхӕд ӕрцыдысты программӕ "Царды гъӕд"-ы реализацийы фӕлгӕтты, кӕцы уагъд цӕуы "Единая Россия"-йы хъӕппӕрисӕй.

5