ӔЦСК

Футболы тренертæ Цæгат Ирыстонæй ацæудзысты стажировкæмæ ӔЦСК-мæ

11
Стажировкæйы фæдыл бадзырд саразын бантыст Цæгат Ирыстоны хицауады сæрдар æмæ ӔЦСК-ы гендиректоры фембæлды рæстæджы

ЦХИНВАЛ, 20 апр — Sputnik. Цæгат Ирыстоны хицауады сæрдар Тускъаты Таймураз бадзырдта футболон клуб ӔЦСК-ы генералон директор Роман Бабаевимæ, цæмæй республикæйы тренертæ рацæуой стажировкæ æфсæддонты клубы базæйы Мæскуыйы, хъусын кæны РЦИ-Аланийы сæргълæууæг æмæ хицауады пресс-службæ.

"Бантыст нын бадзырд саразын, цæмæй нæ тренертæ рацæуой стажировкæ Мæскуыйы, æфсæддонты клубы специалисттæ ма сын бакæндзысты барадон æмæ методикон æххуыс, кæцы у æнæмæнгхъæуæг контракттæ аразыны рæстæджы æмæ кæцы у футболистты цæттæкæнынады системæарæзтады элементтæй иу. Футболон клуб ӔЦСК-мæ ис бæлвырд зонындзинæдтæ æмæ уыдон уыдзысты эффективон нæ республикæйы", — дзырдæуы хъусинаджы.

Пресс-службæйы куыд банысан кодтой, афтæмæй фембæлды рæстæджы дзырд цыд Цæгат Ирыстоны футболон академи саразыны къахдзæфтыл дæр.

11

Цæгат Иры райдыдтой дæттын фиддонтæ медиктæн

3
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

3
Цӕгат Иры дыууӕ районы бакодтой уӕлвӕткон уавӕр тӕрккъӕвдайы тыххӕй

Цӕгат Иры дыууӕ районы бакодтой уӕлвӕткон уавӕр тӕрккъӕвдайы тыххӕй

5
(ранӕуӕггонд 13:05 04.06.2020)
Ӕртыццӕджы республикӕйы ӕвзӕр боныгъӕд разиан кодта хӕдзӕрттӕн, систа сын сӕ агъуыстытӕ, аскъуыд рухс ӕмӕ газы ифтонгад. Ӕрдзон бӕллӕхы фӕстиуджытӕ иуварс кӕнынц сӕрмагонд службӕтӕ

ЦХИНВАЛ, 4 июн — Sputnik. Цӕгат Ирыстоны Рахизфарс ӕмӕ Ӕрыдоны районты бакондӕуыд уӕлвӕткон уавӕры режим – республикӕйы уыд тӕрккъӕвдатӕ ӕмӕ тыхдымгӕ, хъусын кӕны регионы УУМ.

Беслӕны (Рахизфарс район) дымгӕ систа сӕрмагонд хӕдзары агъуыст. Ирвӕзынгӕнджытӕ сэвакуаци кодтой ӕхсӕз адӕймаджы, се хсӕн ӕртӕ сывӕллоны. Фыдбылызы фӕстиуӕгӕн зианбаййафджытӕ нӕй.

"Уымӕй дарддӕр ма ранӕй-рӕтты бахъыгдард сты ӕртӕ скъолайы, иу сабидоны, полицийы районон хайады ӕмӕ медицинон уагдоны агъуыстытӕ. Фарны хъӕуы 10 сӕрмагонд хӕдзар фесты доны бын", — дзырдӕуы хъусинаджы.

Афтӕ ма Ӕрыдоны районы цалдӕр цӕрӕн пункты аскъуыд рухс ӕмӕ газы ифтонгад.

Уыимӕ республикӕйы нырма дӕр фӕдзӕхсынц тыхдымгӕтӕ, къӕвдатӕ ӕмӕ ихуардӕй.

5