ЦХИНВАЛ, 27 апр — Sputnik. Проект "Голос. Дети"-йы финалисткæ Хекъилаты Дениза конкурсы размæ бон фæуазæг Федерацийы Советмæ æмæ фембæлд Цæгат Ирыстонæй сенатор Тотоонты Александримæ, радзырдтой Sputnik йæ пресс-службæйы.
Дениза йæ ныййарджытæ — Аслан æмæ Дианæимæ — федта Федерацийы Советы бæстыхай, систа къам Республикæ Цæгат Ирыстон —Аланийы тырысаимæ, уый фæстæ радзырдта Тотоонты Александрæн, куыд цыд йæ хайадист музыкалон конкурсы.
"Ӕз хъуамæ райстаин хайад æртыккаг сезоны, фæлæ мæм рад не ′рхаудта, амонджытæ сæхицæн командæтæ равзæрстой, цалынмæ æз сценæмæ рахызтæн, уæдмæ. Фæлæ мын ацы аз алцыдæр бантыст!", — загъта Дениза.
Сенаторы цæст æрыгон курдиатæн бауарзта æнтыстытæ финалы æмæ банысан кодта, зæгъгæ, Ирыстоны кæйдæриддæр зоны, уыдон хъæлæс кæндзысты Денизайæн.
"Ирыстоны, куыд цæгаты, афтæ хуссары дæр, дæуæн ис табугæнджыты æнæхъæн æфсад. Де ′мзæххонтæ иууылдæр æнхъæлмæ кæсынц æмæ кувынц, цæмæй фæуæлахиз уай. Фæлæ финал куыд ацæуа, уымæ æнæкæсгæйæ, у æнæдызæрдыг — дæ сæйраг æнтыстытæ сты разæй. "Голос" у æрмæстдæр райдиан!", — загъта Тотоонты Александр.
"Голос. Дети"-йы цыппæрæм сезоны финал рацæудзæн 1 каналы комкоммæ эфиры 28 апрелы, уæлахиздзауы сбæлвырд кæндзæн телекæсджыты хъæлæсæппæрст.
