Тагъд ӕххуыс ӕмӕ полици

Дзӕуджыхъӕуы хӕдтулгӕйы цӕфӕй фӕмард сты дыууӕ пенсиисӕджы

8
(ранӕуӕггонд 16:30 07.06.2018)
Цӕгат Ирыстоны столицӕйы фӕстаг бонты ӕрцыд дыууӕ фӕндагон-транспортон цауы мӕлӕддзаг кӕронимӕ

ЦХИНВАЛ, 7 июн — Sputnik. Авариты фӕстиуӕгӕн Дзӕуджыхъӕуы фӕндӕгтыл фӕмард сты дыууӕ фистӕг бӕлццоны, хъусын кӕны 15 Регион Цӕгат Ирыстоны Мидхъуыддӕгты министрады (МХМ) пресс-службӕйы ныхӕстӕ.

Фыццаг ФТЦ ӕрцыд къуырисӕры, 4 июны, Абайты Уасойы уынгыл. Барадхъахъхъӕнӕг органты информацимӕ гӕсгӕ, хӕдтулгӕ ВАЗ-21061 51-аздзыд шофыр баскъӕрдта Дзӕуджыхъӕуы 91-аздзыд цӕрӕгыл, кӕцы фӕмард райсгӕ цӕфтӕй.

Афтӕ ма дыццӕджы, 5 июны, Цӕгат Ирыстоны столицӕйы ӕрцыд ноджы иу ФТЦ мӕлӕтдзаг кӕронимӕ. Быронласӕн хӕдтулгӕйы 50-аздзыд шофыр ныццавта 85-аздзыд сылгоймаджы Ирыстоны ӕмӕ Пожарскийы алвӕндагыл. Афтӕмӕй сылгоймаг хызт фистӕджыты къахвӕндагыл. Аварийы фӕстиуӕгӕн сылгоймаг фӕмард цауы бынаты.

8