Кафты ансамбль Сюрприз

Дзӕуджыхъӕуккаг ӕвзонг кафджытӕ рамбылдтой ӕхсӕнадӕмон конкурсы гран-при

7
(ранӕуӕггонд 12:48 13.06.2018)
Гран-прийӕ дарддӕр ма кафты ансамбль "Сюрприз"-ы коллектив рамбылдта цыппар дипломы алыгъуызон карон къордты

ЦХИНВАЛ, 13 июн — Sputnik. Цӕгат Ирыстоны сывӕллӕтты кафты ансамбль "Сюрприз" рамбылдта VI Ӕхсӕнадӕмон конкурс-фестиваль "Звуки и краски белых ночей"-йы номинаци "Адӕмон ныхасы" гран-при 13-15 аздзыд хайадисджыты хсӕн, хъусын кӕны газет "Слово".

Фестиваль ауагътой Санкт-Петербурджы Музыкӕйы Ӕхсӕнадӕмон академийы ӕххуысӕй.

Ӕхсӕнадӕмон конкурс-фестиваль "Звуки и краски белых ночей"-мӕ ӕрцыдысты 1000 ӕххӕстгӕнӕгӕй фылдӕр алыгъуызон республикӕтӕй, бӕстӕтӕй ӕмӕ 30 горӕтӕй фылдӕрӕй. Хайадисджытӕм ӕнхъӕлмӕ кастысты ирд программӕ ӕмӕ цымыдисон мастер-класстӕ.

Коллектив равдыста кӕсджытӕн ӕмӕ жюрийӕн алыгъуызон кӕфтытӕ — националон "Чызджыты кафт", абхазаг, дзуттаг ӕмӕ дагестайнаг адӕмон кӕфтытӕ, афтӕ ма хъырымаг-тӕтӕйраг кафт дӕр.

Гран-прийӕ дарддӕр ма кафты ансамбль "Сюрприз"-ы коллектив рамбылдта цыппар дипломы алыгъуызон карон къордты

Афтӕ ма коллективӕн раттой 40 мин сомы, цӕмӕй ацӕуой музыкалон-аивадон сфӕлдыстады Ӕхсӕнадӕмон конкурс-фестиваль "Рождественская Москва"-мӕ, кӕцы уагъд цӕудзӕн Уӕрӕсейы столицӕйы 2019 азы райдайӕны.

7