Сергей Маргиев завоевал «серебро» гран-при Бразилии по легкой атлетике

Ирон рогатлет рамбылдта Бразилийы Гран-прийы ӕвзист майдан

22
(ранӕуӕггонд 11:55 13.07.2018)
Дзӕккор ӕхсыны ерысты йӕ фӕстиуӕг уыд 74,51 метр

ЦХИНВАЛ, 13 июл — Sputnik. Ирон спортсмен Мӕргъиты Сергей ссис рог атлетикӕйӕ Бразилийы Гран-прийы ӕвзист призер, хъусын кӕны 15-регион.

Бразилийы Гран-прийы этап рог атлетикӕйӕ райдыдта 8 июлы горӕт Браганша Палистайы.

Спортсмен архайы Молдавийы командӕйы сконды. Дзӕккор ӕхсынӕй  ерысты йӕ фӕстиуӕг уыд 74,51 метры.

Мӕргъиты Сергей у юниорты хсӕн Европӕйы чемпионаты призер (2011). 2012 азы Лондоны Олимпиаг хъӕзтыты хайадисӕг, зындгонд молдаваг дзӕккорӕхсджытӕ Мӕргъиты Марина ӕмӕ Зӕлинӕйы кӕстӕр ӕфсымӕр. Спортсмены цӕттӕ кӕны йӕ фыд — Мӕргъиты Сослан, рог атлетикӕйы спорты ӕхсӕнадӕмон классы мастер.

22