Цӕгат Иры цӕрджыты фӕнды сӕххӕст кӕнын ног рекорд

Авд бӕрзӕнды авд бонмӕ: Цӕгат Иры цӕрджыты фӕнды бакӕнын ног рекорд

10
(ранӕуӕггонд 17:02 08.10.2018)
Ӕвзонг лӕппуты фӕнды басӕттын Ирыстоны авд бӕрзӕнды чысыл ӕмгъуыдмӕ

ЦХИНВАЛ, 8 окт — Sputnik. Цӕгат Ирыстоны цӕрджытӕ Гуыриаты Зауыр ӕмӕ Мӕзлуаты Асланбеджы фӕнды сӕххӕст кӕнын Уӕрӕсе ӕмӕ дунейы рекорд, цӕмӕй схизой 2,5 мин метр бӕрзӕдтӕм авд бонмӕ. Уый тыххӕй Гуыриаты Зауыр радзырдта социалон хызӕг Instagram-ы йӕ официалон фарсыл.

"Алкӕцы бӕрзӕдмӕ дӕр райдайдзыстӕм хизын ӕввахсдӕр цӕрӕн пункты фӕстаг хӕдзарӕй, бӕрзӕндты ӕхсӕн скъӕрдзыстӕм мӕ УАЗ хӕдтулгӕйы, ӕхсӕвы фынӕй кӕндзыстӕм кӕнӕ палаткӕ, кӕна та хӕдзары. Бакӕсӕм, куыд нын рауайдзӕн, махӕн ис бӕллиц, фӕндон ӕмӕ тырнындзинад", — банысан кодта Гуыриаты Зауыр.

Ӕвзонг лӕппутӕ семӕ ахӕсдзысты спутникон трекер, раци, телефон, дон ӕмӕ рухсгӕнӕнтӕ. Афтӕ ма лӕппутӕ радзырдтой, кӕй бадӕттой сӕ нывӕзттӕ Уӕрӕсейы рекордты чиныгмӕ — раздӕр никуы ничи ӕххӕст кодта ахӕм хӕрдмӕцыдтӕ чысыл ӕмгъуыдмӕ.

10