Зынгфӕдисон хӕдтулгӕ

Цыбыр ныдзӕвд: Дзӕуджыхъӕуы ссыгъд сабидон

28
(ранӕуӕггонд 14:19 06.03.2019)
Зынгсирвӕзты фӕдыл хъусинаг бацыд цӕгатирыстойнаг УУМ радгӕсон службӕмӕ ӕртыццӕджы райсом

ЦХИНВАЛ, 6 мар — Sputnik. Дзӕуджыхъӕуы сабидӕттӕй иуы ӕртыццӕджы райсом ӕрцыд зынгсирвӕзт, хъусын кӕны республикӕйы Уӕлвӕткон уавӕрты министрады (УУМ) пресс-службӕ.

Зынгсирвӕзты фӕдыл хъусинаг бацыд цӕгатирыстойнаг УУМ радгӕсон службӕмӕ ӕртыццӕджы 08.30 сахатыл.

"Зынгфӕдисонтӕ цауы бынатмӕ куы бацыдысты, уӕд сбӕрӕг кодтой, кӕй сыгъд электрохызӕг иу квадратон метр фӕзуатыл", - дзырдӕуы хъусинаджы.

Зынгсирвӕзты аххосаг уыд электрохызӕджы цыбыр ныдзӕвд.

Цӕгатирыстойнаг ДИФ-ты информацимӕ гӕсгӕ, сабидоны хъомылгӕнинӕгты иууылдӕр ауагътой хӕдзӕрттӕм.

28