Дзӕуджыхъӕуы ӕхсӕвы ссыгъд электродӕлстанц

Дзӕуджыхъӕуы ӕхсӕвы ссыгъд электродӕлстанц

29
(ранӕуӕггонд 12:10 14.05.2019)
Зынгсирвӕзт аххӕcсыд 400 квадратон метры фӕзуатыл

ЦХИНВАЛ, 14 май — Sputnik. Цӕгат Ирыстоны столицӕйы къуырисӕры ӕхсӕвы ссыгъд трансформаторон дӕлстанц, хъусын кӕны республикӕйы Уӕлвӕткон уавӕрты министрады (УУМ) пресс-службӕ.

Зынгсирвӕзты фӕдыл хъусинаг ӕрбацыд экстренон службӕтӕм 02.35 сахатыл.

"Зынгфӕдисонтӕ цауы бынатмӕ куы ӕрбацыдысты, уӕд сбӕрӕг кодтой, Дзӕуджыхъӕуы, Магкӕты Зурабы уынгыл кӕй судзы трансформаторон дӕлстанц 400 квадратон метры фӕзуатыл", - банысан кодтой пресс-службӕйы.

Цауы фӕстиуӕгӕн зианбаййафджытӕ нӕй. Уагдоны бафтыдтой, зӕгъгӕ, зынгсирвӕзт аиуварс кӕнынӕн УУМ ӕрбаздахта 42 кусӕджы ӕмӕ техникӕйы 13 иуӕджы.

29