Электроцинк-ы дарддæры архайды фæдыл къамис

"Электроцинчы" раздæры кусджыты ссифтонг кæндзысты ног куыстбынæттæй

18
(ранӕуӕггонд 15:01 03.07.2019)
"Электроцинк"-ы зынгсирвӕзт ӕрцыд 21 октябры ӕхсӕвы, арт аххӕссыд 4,5 мин квадратон метрыл, уый фӕстӕ заводы куыст ӕрурӕдтой

ЦХИНВАЛ, 3 июл — Sputnik. "Электроцинчы" заводы раздæры кусджытæн ног куысты бынæттæ ссарыны хæс йæхимæ райста хъæппæрисджын къорд, хъусын кæны ПТРК "Алания". 

"Электроцинк"-ы зынгсирвӕзт ӕрцыд 21 октябры ӕхсӕвы, арт аххӕссыд 4,5 мин квадратон метрыл, уый фӕстӕ заводы куыст ӕрурӕдтой.

Телеуынынад куыд хъусын кӕны, афтӕмӕй ӕмгуыстады фарстатыл ныхас кæнынц канд республикæйы нæ, фæлæ ма сыхаг регионты дæр.

"Ацы фарстайыл кусгæйæ арæзт уыдзæн армукъа. Куыстдæттыны комитеты хыгъды ис 70 организацийы. Уыдон цæттæ сты 400 адæймагæн баххуыс кæнынмæ. Сæрмагонд фыстæджытæ арвыстӕуыд сыхаг республикæтæм. Сӕудӕджерадон куыстуæтты бон у 2 мин адæймаджы кусынмæ райсын. Фæлæ бирæты нæ фæнды хæдзарæй дарддзæф ран фæллой кæнын", - дзырдӕуы хъусинаджы.

Куыстдæттыны комитеты куыд банысан кодтой, афтӕмӕй раздæры фæллойгæнджытæ нырма се 'ппæт куыст нæ агурынц, уый баст у уыимæ æмæ сентябры онг, законмæ гæсгæ, исдзысты мызд. Ис ма ахæмтæ дæр, кӕцытӕ сæвзæргӕ уавæры байгом кодтой сæхи куыстуат.

18
Цæрæнуаты арæзтад

Цæгат Иры эксплуатацимӕ радтой 77 мин квадратон метры цæрæнуат

6
(ранӕуӕггонд 15:53 26.05.2020)
Ивгъуыд азы аналогион æмгъуыдмæ республикæйы эксплуатацийы ауагътой дыууæ мин метры къаддæр цæрæнуат

ЦХИНВАЛ, 26 май - Sputnik. Цæгат Ирыстоны 2020 азы фыццаг кварталы эксплуатацийы ауагътой цæрæнуаты 77 мин кв. метры. Уый тыххæй хъусын кæны 15 Регион, республикæйы арæзтад æмæ архитектурæйы министрады пресс-службæйы информацийыл æнцойгæгæйæ.

"Пандемимæ ӕнæ кæсгæйæ, Цæгат Ирыстоны цæрæнуат уагъд цæуы эксплуатацийы. Цæвиттон, ивгъуыд азы аналогион æмгъуыдмæ республикæйы эксплуатацийы ауагътой цæрæнуаты 75 мин квадратон метры. Уый, ацы азимæ абаргæйæ, у дыууæ мин метры къаддæр",— фæбæрæг кодтой уагдоны.

Ӕрӕджы ма Цæгат Ирыстоны хицауады фехъусын кодтой, 2020 азы 73 сидзæр æмæ ныййарджыты æвджидæй фæхауæг сывæллæттæн лæвæрд кӕй æрцæудзæн фатертæ.

6
Полици

Дзæуджыхъæуы нозтджын шофыр ныццавта дыууæ полицæйаджы 

15
(ранӕуӕггонд 15:42 25.05.2020)
Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын. Нæлгоймагæй æрдомдæуыд административон бæрндзинад

ЦХИНВАЛ, 25 май - Sputnik. Цæгат Ирыстоны федералон цæстдарды-уадзæн пункт "Чермен"-ы нозтджын шофыр ныццавта дыууæ полицæйаджы, хъусын кæны 15 регион.

Хъусинагæй куыд бæрæг у, афтæмæй рог хæдтулгæйы шофыр нæ фæцарæхст скъæрын æмæ бетон гæрæныл баскъæрдта, уый фæстæ хæдтулгæ фæндаджы иуварсмæ рахауд.

"Цауы аххосæй хъыгдард баййæфтой Уæрæсейы мидхъуыддæгты министрады органты æмæ дæлхайæдты рæстæгмæйы оперативон къорды дыууæ кусæджы. Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын, - дзырдæуы хъусинаджы.

Нæлгоймагæй æрдомдæуыд административон бæрндзинад. Хъыгдард баййафджытæ госпитализацигонд æрцыдысты медицинон уагдонмæ.

15
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

0
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

0