Гри Мамиев

"Выжить нельзя погибнуть": августы хæстыл ист цæуы нывæфтыд фильм

73
(ранӕуӕггонд 15:49 23.07.2019)
Кинонывы сфæлдыстадон къорды сконды ис 2008 азы хæсты архайджытæ

ЦХИНВАЛ, 23 июл — Sputnik, Плиты Фатимæ. Цæгат Ирыстоны кинокомпани "Ирмон" бавнæлдта Хуссар Ирыстоны 2008 азы хæстон архайдтытыл нывæфтыд киноныв "Выжить нельзя погибнуть" исынмæ. Цыбыр фильм таурæгъ кæндзæн фыдыбæстæ хъахъхъæнæджы хъайтардзинадыл гуырдзиаг-ирон хæсты рæстæджы, фехъусын кодта Sputnik кинонывы æвæрæг-режиссер Битарты Ангелина.

Киноныв ист цæуы Цæгат Ирыстоны, фæстæдæр исæн къорд фæнд кæны æрцæуын Хуссар Ирмæ дæр.

"Фильм у Ирыстоны хъахъхъæнджыты хъайтардзинадыл. Йæ сæйраг архайæг Аланы фæлгонц хицæн адæймагæй фыст ре ʻрцыд, фæлæ иу кæны ирон хъæбатыр лæппуты архайд 2008 азы хæсты. Цыбыр фильм азы кæронмæ цæудзæн ист, æхсæнадæн æй бавдисдзыстæм 2020 азы райдайæны. Исæн къорды сконды ис ахæм адæм, кæцытæ сæхæдæг уыдысты хæсты архайджытæ, уымæй цæхгæр хицæн кæндзæн августы цаутыл цы кинонывтæ ист æрцыд, уыдонæй", - загъта Битарты Ангелина.

Кинонывы кусынмæ хуынд æрцыд Хуссар Ирыстоны паддзахадон драмон театры актер Мамиты Григорий дæр.

В Северной Осетии проходят съемки фильма Выжить нельзя погибнуть
Цæгат Ирыстоны кинокомпани "Ирмон" бавнæлдта Хуссар Ирыстоны 2008 азы хæстон архайдтытыл нывæфтыд киноныв "Выжить нельзя погибнуть" исынмæ.

"Ӕхсызгон у уый æмæ нæ хæсты тыххæй фыццаг хатт исæм киноныв нæхæдæг, Ирыстоны. Æз ахъаздзæн фильмы хуссарирыстойнаг хæстоны, кæцы хъахъхъæны йæ райгуырæн бæстæ", - загъта Мамиты Григорий.

Киноныв ист цæуы Битарты Константины сценариймæ гæсгæ, æвæрæг-оператортæ сты - Мария Нашикина æмæ Мæхъиты Руслан. Актерон къорды сконды сты Тоготы Дауыт, Блу Ариаг, Битаты Роберт, Хъантемырты Борис, Мамиты Григорий, Лохты Олеся æмæ æндæртæ.

73