Беслӕн

Дзӕуджыхъӕуы схорзӕхджын кодтой Беслӕны амынӕтты ирвӕзынгӕнджыты

28
(ранӕуӕггонд 16:05 02.09.2019)
Ацы аз сӕххӕст 15 азы уыцы ӕвирхъау трагедийыл, кӕцы ахаста 334 царды, се хсӕн 186 - сывӕллӕттӕ

ЦХИНВАЛ, 2 сен - Sputnik. Цӕгат Ирыстоны сӕргълӕууӕг Битарты Вячеслав майдантӕ "Во славу Осетии"-йӕ хорзӕхджын кодта УУМ сӕрмагонд къорды минӕвӕртты ӕмӕ ирвӕзынгӕнджыты, кӕцытӕ хайад истой 2004 азы Беслӕны 1-аг скъолайы амынӕты ист адӕмы ссӕрибар кӕныны операцийы. Уый тыххӕй республикӕйы хистӕр фехъусын кодта йӕ фарсыл Instagram.-ы.

"Цӕгат Ирыстоны бирӕнационалон адӕм кӕддӕриддӕр уыдзысты бузныг ацы лӕппутӕй!", - банысан кодта Битарты Вячеслав.

Афтӕ ма хорзӕхтӕ радтой фӕмардуӕвӕг ирвӕзынгӕнджыты хӕстӕджытӕн дӕр.

"Ӕнусон кад Андрей Велько, Валерий Замараев, Олег Ильин, Олег Лоськов, Вячеслав Маляров, Александр Перов, Денис Пудовкин, Дмитрий Разумовский, Андрей Туркин, Дмитрий Кормилин, Роман Катасонов, Михаил Кузнецовӕн", - ныффыста РЦИ-А сӕргълӕууӕг.

28

Цæгат Иры райдыдтой дæттын фиддонтæ медиктæн

3
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

3
Цӕгат Иры дыууӕ районы бакодтой уӕлвӕткон уавӕр тӕрккъӕвдайы тыххӕй

Цӕгат Иры дыууӕ районы бакодтой уӕлвӕткон уавӕр тӕрккъӕвдайы тыххӕй

4
(ранӕуӕггонд 13:05 04.06.2020)
Ӕртыццӕджы республикӕйы ӕвзӕр боныгъӕд разиан кодта хӕдзӕрттӕн, систа сын сӕ агъуыстытӕ, аскъуыд рухс ӕмӕ газы ифтонгад. Ӕрдзон бӕллӕхы фӕстиуджытӕ иуварс кӕнынц сӕрмагонд службӕтӕ

ЦХИНВАЛ, 4 июн — Sputnik. Цӕгат Ирыстоны Рахизфарс ӕмӕ Ӕрыдоны районты бакондӕуыд уӕлвӕткон уавӕры режим – республикӕйы уыд тӕрккъӕвдатӕ ӕмӕ тыхдымгӕ, хъусын кӕны регионы УУМ.

Беслӕны (Рахизфарс район) дымгӕ систа сӕрмагонд хӕдзары агъуыст. Ирвӕзынгӕнджытӕ сэвакуаци кодтой ӕхсӕз адӕймаджы, се хсӕн ӕртӕ сывӕллоны. Фыдбылызы фӕстиуӕгӕн зианбаййафджытӕ нӕй.

"Уымӕй дарддӕр ма ранӕй-рӕтты бахъыгдард сты ӕртӕ скъолайы, иу сабидоны, полицийы районон хайады ӕмӕ медицинон уагдоны агъуыстытӕ. Фарны хъӕуы 10 сӕрмагонд хӕдзар фесты доны бын", — дзырдӕуы хъусинаджы.

Афтӕ ма Ӕрыдоны районы цалдӕр цӕрӕн пункты аскъуыд рухс ӕмӕ газы ифтонгад.

Уыимӕ республикӕйы нырма дӕр фӕдзӕхсынц тыхдымгӕтӕ, къӕвдатӕ ӕмӕ ихуардӕй.

4