Дулаты Дзамболат

Оперон зарӕггӕнджытӕ Ирыстонӕй ахызтысты ӕхсӕнадӕмон конкурсы финалмӕ

19
Кӕсджытӕ базондзысты конкурсы уӕлахиздзауы ном сом, 13 сентябры

ЦХИНВАЛ, 12 сен – Sputnik. Дулаты Дзамболат ӕмӕ Багаты Зӕринӕ Цӕгат Ирыстонӕй ахызтысты Елена Образцовайы ӕвзонг оперон зарӕггӕнджыты XII Ӕхсӕнадӕмон конкурсы дыккаг турмӕ, хъусын кӕны 15-ӕм Регион.

Дулаты Дзамболат банысан кодта, ныфс ӕй кӕй ис конкурсы рамбулын.

"Уый размӕ хайад истон Михаил Глинкайы номыл вокалистты ӕхсӕнадӕмон конкурсы, Петр Чайковскийы номыл ӕхсӕнадӕмон конкурсы, фӕлӕ, хъыгагӕн, дыккаг турӕй дарддӕр никуы ахызтӕн", - радзырдта культурӕйы архайӕг.

Уӕлахиздзауы ном бӕрӕг уыдзӕн 13 сентябры. Хорзӕхкӕныны церемони ацӕудзӕн Санкт-Петербурджы Дмитрий Шостаковичы номыл академион филармонийы.

19
Михаил Кожухов

Михаил Кожухов æрцæудзæн Цæгат Ирыстонмæ

3
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

3
Полици

Дзӕуджыхъӕуы агурынц фесӕфӕг ӕвзонг лӕппуйы

5
(ранӕуӕггонд 11:52 10.07.2020)
21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр

ЦХИНВАЛ, 9 июл — Sputnik. Цӕгат Ирыстоны барадхъахъхъӕнӕг органтӕ агурынц ӕвзонг лӕппуйы, кӕцы фесӕфт суткӕйы фылдӕры размӕ, хъусын кӕны регионы мидхъуыддӕгты министрад.

Хъусинагӕй куыд бӕрӕг у, афтӕмӕй 21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр.

МХМ пресс-службӕ хъусын кӕны фесӕфӕг лӕппуйы хисӕрмагонд нысӕнттӕ: мӕллӕггомау, сау цыбыр ӕлвыд сӕрыхил,астӕуккаг ас, тымбылгомау цӕсгом.

Йӕ уӕлӕ уыд сау хӕдон бур хӕххытимӕ, фӕныкхуыз спортивон хӕлаф ӕмӕ сау кроссовкӕтӕ. Уагдоны курынц, цӕмӕй сӕм фехъусын кӕной лӕппуйы фӕдыл цыфӕнды информаци дӕр.

5