Мисс Алани — 2019

"Мисс Алани 2019": Цӕгат Иры равзардзысты иууыл рӕсугъддӕр чызджы

35
(ранӕуӕггонд 15:37 18.09.2019)
Организатортӕ куыд банысан кодтой, афтӕмӕй чызджытӕ равдисдзысты ӕрмӕст сӕ рӕсугъддзинад нӕ, фӕлӕ ма сӕ курдиӕттӕ дӕр

ЦХИНВАЛ, 18 сен – Sputnik. Цӕгат Ирыстоны столицӕйы ацӕудзӕн рӕсугъддзинады конкурс "Мисс Алани — 2019". Аланийы иууыл рӕсугъддӕр чызджы ном рабӕрӕг уыдзӕн 1 ноябры, хъусын кӕны Ossetia News.

Претенденткӕтӕ хайад райсдзысты ӕртӕ конкурсы, цы ран равдисдзысты ӕрмӕст сӕ рӕсугъддзинад нӕ, фӕлӕ ма сӕ курдиӕттӕ дӕр.

"Чызджытӕн бацӕттӕ кодтой ӕртӕ конкурсы. Уыдон хъуамӕ равдисой сӕ рӕсугъдзинад, интелектуалон курдиӕттӕ блиц-ӕрфарсты хуызы, афтӕ ма ауадздзысты курдиӕтты конкурс дӕр", - радзырдта организатортӕй иу Светлана Асеева.

Йӕ ныхӕстӕм гӕсгӕ, цалынмӕ чызджытӕ сценӕмӕ рахизой, уӕдмӕ семӕ кусдзысты стилисттӕ, хореографтӕ ӕмӕ психологтӕ.

Уый ма бафтыдта, организаторты нысаниуӕг кӕй у ӕрбаиу кӕнын чызджыты. "Мах нывӕндӕм балц хӕхтӕм, мастер-класс ирон уӕлибыхтӕ аразынӕй ӕмӕ ӕндӕртӕ", - банысан кодта Асеева.

Конкурсмӕ куырдиат бадӕттыны фадат ис 27 сентябры онг.

35
Армукъа Hikond Цæгат Иры

Цæгат Ир рæстæгмæ куыстбынæттæ саразынæн райсдзæн 22 милуан сомы

4
(ранӕуӕггонд 14:30 06.07.2020)
Фæрæзтæ хицæнгонд æрцæудзысты хицауады резервон фондæй, уыдоны руаджы æххæстгонд æрцæудзæн, куыстæй суæгъд кæнынæй тас кæмæн у, уыдон рæстæгмæйы куыстифтонгад

ЦХИНВАЛ, 6 июл — Sputnik. Цæгат Ирыстон рæстæгмæ куысты бынæтты кусджыты мызды хай баххæст кæнынæн райсдзæн 22 млн сомы бæрц. Æмбæлон уынаффæ бафыста Уæрæсейы премьер-министр Михаил Мишустин, хъусын кӕны 15 регион.

Амынд гæххæтмæ гæсгæ, фæрæзтæ хицæнгонд æрцæудзысты хицауады резервон фондæй, уыдоны руаджы æххæстгонд æрцæудзæн, куыстæй суæгъд кæнынæй тас кæмæн у, уыдон рæстæгмæйы куыстифтонгад.

"Уымæй уæлдай ма, куыстифтонгады службæйы органтæм баздæхæг куыстагур адæмæн æмæ æгуыст адæмæн арæзт æрцæудзæн æхсæнадон куыстытæ æххæст кæныны фадат", - дзырдӕуы хъусинаджы.

Ӕххуысы мадзæлттæ æрвыст æрцыдысты æндæр регионтæм дæр, уыдоны руаджы рæстæгмæ куыстифтонггонд æрцæудзæн 80 мин адæймаджы бæрц.

4
Балаты Марат

Балаты Марат стох кӕндзӕн АСА лигӕйы рӕстӕгмӕ чемпионы титулыл

6
(ранӕуӕггонд 12:06 03.07.2020)
Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы

ЦХИНВАЛ, 3 июл — Sputnik. ММА-йы ирон тохгӕнӕг Балаты Марат "Motivator" стох кӕндзӕн рӕстӕгмӕ чемпионы титулыл ӕрдӕг рог уӕзы, хъъусын кӕны Слово.

АСА-йы чемпионы титул ӕрдӕг рог уӕзы ныртӕккӕ ис Вилиппе Фроесмӕ Бразилийӕ, кӕцы хъуамӕ хъахъхъӕдтаит йӕ титул ӕввахс турниртӕй иуыл. Фӕлӕ коронавирусы апарахаты тасы фӕдыл арӕнӕвӕрдты тыххӕй уымӕн фадат нӕй ауадзын тох.

Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы. Турнир организаци кӕны егъаудӕр уӕрӕсейаг лигӕ АСА.

Балаты Маратыл цӕуы 44 азы. Йӕ карьерӕйы уый ауагъта 13 тохы, уыдоны уымӕн ис 11 уӕлахизы ӕмӕ дыууӕ фембылды.

6
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

0
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

0