Ӕвзонг музыканттӕ Ирыстонӕй рамбылдтой ӕппӕтуӕрӕсейон конкурс

Ӕвзонг музыканттӕ Ирыстонӕй рамбылдтой ӕппӕтуӕрӕсейон конкурс

26
Музыканттӕ Джиоты Сӕрмӕт ӕмӕ Будайты Роксолана равдыстой сӕ дӕсниад номинацийы "Игра на фортепиано"

ЦХИНВАЛ, 30 сен – Sputnik. Ӕвзонг музыканттӕ Цӕгат ирыстонӕй ӕнтыстджын архайд скодтой аивад ӕмӕ фӕлдыстады V Ӕппӕтуӕрӕсейон конкурс "Симфония звезд"-ы Кисловодскы, хъусын кӕны 15-ӕм Регион.

Конкурсы Гран-при рамбылдта 7-аздзыд Джиоты Сӕрмӕт.

Фыццаг къӕпхӕны лауреаты дипломӕй схорзӕхджын кодтой 11-аздзыд Будайты Роксолана.

Музыканттӕ равдыстой сӕ дӕсниад номинацийы "Игра на фортепиано".

Амӕйразмӕ ирон оперон зарӕггӕнӕг Амага Готти хайад райста Италийы фестивалы Мӕскуыйы.

26
Армукъа Hikond Цæгат Иры

Цæгат Ир рæстæгмæ куыстбынæттæ саразынæн райсдзæн 22 милуан сомы

4
(ранӕуӕггонд 14:30 06.07.2020)
Фæрæзтæ хицæнгонд æрцæудзысты хицауады резервон фондæй, уыдоны руаджы æххæстгонд æрцæудзæн, куыстæй суæгъд кæнынæй тас кæмæн у, уыдон рæстæгмæйы куыстифтонгад

ЦХИНВАЛ, 6 июл — Sputnik. Цæгат Ирыстон рæстæгмæ куысты бынæтты кусджыты мызды хай баххæст кæнынæн райсдзæн 22 млн сомы бæрц. Æмбæлон уынаффæ бафыста Уæрæсейы премьер-министр Михаил Мишустин, хъусын кӕны 15 регион.

Амынд гæххæтмæ гæсгæ, фæрæзтæ хицæнгонд æрцæудзысты хицауады резервон фондæй, уыдоны руаджы æххæстгонд æрцæудзæн, куыстæй суæгъд кæнынæй тас кæмæн у, уыдон рæстæгмæйы куыстифтонгад.

"Уымæй уæлдай ма, куыстифтонгады службæйы органтæм баздæхæг куыстагур адæмæн æмæ æгуыст адæмæн арæзт æрцæудзæн æхсæнадон куыстытæ æххæст кæныны фадат", - дзырдӕуы хъусинаджы.

Ӕххуысы мадзæлттæ æрвыст æрцыдысты æндæр регионтæм дæр, уыдоны руаджы рæстæгмæ куыстифтонггонд æрцæудзæн 80 мин адæймаджы бæрц.

4
Балаты Марат

Балаты Марат стох кӕндзӕн АСА лигӕйы рӕстӕгмӕ чемпионы титулыл

6
(ранӕуӕггонд 12:06 03.07.2020)
Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы

ЦХИНВАЛ, 3 июл — Sputnik. ММА-йы ирон тохгӕнӕг Балаты Марат "Motivator" стох кӕндзӕн рӕстӕгмӕ чемпионы титулыл ӕрдӕг рог уӕзы, хъъусын кӕны Слово.

АСА-йы чемпионы титул ӕрдӕг рог уӕзы ныртӕккӕ ис Вилиппе Фроесмӕ Бразилийӕ, кӕцы хъуамӕ хъахъхъӕдтаит йӕ титул ӕввахс турниртӕй иуыл. Фӕлӕ коронавирусы апарахаты тасы фӕдыл арӕнӕвӕрдты тыххӕй уымӕн фадат нӕй ауадзын тох.

Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы. Турнир организаци кӕны егъаудӕр уӕрӕсейаг лигӕ АСА.

Балаты Маратыл цӕуы 44 азы. Йӕ карьерӕйы уый ауагъта 13 тохы, уыдоны уымӕн ис 11 уӕлахизы ӕмӕ дыууӕ фембылды.

6
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6