Евгений Князев æмæ Александр Олешко ауагътой мастер-класстæ Дзæуджыхъæуы

Зындгонд уæрæсейаг актертæ ауагътой мастер-класстæ Дзæуджыхъæуы

28
(ранӕуӕггонд 12:00 30.09.2019)
Евгений Князев æмæ Александр Олешко æрцыдысты Цæгат Ирыстонмæ Ӕппæтуæрæсейаг театралон марафоны фæлгæтты

ЦХИНВАЛ, 30 сен – Sputnik. Цæгат Ирыстоны сæйраг горæты Ӕппæтуæрæсейаг театралон марафоны фæлгæтты ацыдысты зындгонд уæрæсейаг актерты мастер-класстæ, хъусын кæны Осетия-Ирыстон.

Уæрæсейы адæмон артист, Щукины номыл театралон институты ректор Евгений Князев фембæлд профилон факультетты студенттæ æмæ уырыссаг театры архайгæ актертимæ. Уый радзырда театры нысаниуæджы тыххæй алкæцы адæймаджы царды дæр æмæ бакаст йæ уарзон æмдзæвгæтæ.

Зындгонд актер æмæ телеамонæг Александр Олешко æрбацыд уазæгуаты фæндзæм гимназимæ, цы ран ахуырдзаутæн радзырдта йæ куысты æмæ йе сфæлдыстадон куысты райдианы тыххæй, афтæ ма сын скодта уынаффæтæ сценæйон ныхасы фæдыл. Ноджы ма иу фембæлд та ацыд карджын адæмы хæдзар "Забота"-йы. Уым ауагътой мастер-класс инклюзивон театр "Вдохновение"-йы актертæн.

28
Михаил Кожухов

Михаил Кожухов æрцæудзæн Цæгат Ирыстонмæ

3
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

3
Полици

Дзӕуджыхъӕуы агурынц фесӕфӕг ӕвзонг лӕппуйы

5
(ранӕуӕггонд 11:52 10.07.2020)
21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр

ЦХИНВАЛ, 9 июл — Sputnik. Цӕгат Ирыстоны барадхъахъхъӕнӕг органтӕ агурынц ӕвзонг лӕппуйы, кӕцы фесӕфт суткӕйы фылдӕры размӕ, хъусын кӕны регионы мидхъуыддӕгты министрад.

Хъусинагӕй куыд бӕрӕг у, афтӕмӕй 21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр.

МХМ пресс-службӕ хъусын кӕны фесӕфӕг лӕппуйы хисӕрмагонд нысӕнттӕ: мӕллӕггомау, сау цыбыр ӕлвыд сӕрыхил,астӕуккаг ас, тымбылгомау цӕсгом.

Йӕ уӕлӕ уыд сау хӕдон бур хӕххытимӕ, фӕныкхуыз спортивон хӕлаф ӕмӕ сау кроссовкӕтӕ. Уагдоны курынц, цӕмӕй сӕм фехъусын кӕной лӕппуйы фӕдыл цыфӕнды информаци дӕр.

5