Хъараты Алан

Ирон сумоист Хъараты Аланӕн сараздзысты операци Германийы

23
(ранӕуӕггонд 11:49 02.10.2019)
Спортсмены аластой Цӕгат Кавказы бирӕпрофилон медицинон центрмӕ уӕззау уавӕры январы

ЦХИНВАЛ, 2 окт — Sputnik. Зындгонд ирон спортсмен, дунейы авд хатты чемпион сумойӕ ӕмӕ фондз хатты чемпион армрестлингӕй Хъараты Алан атахт хоскӕнынмӕ Германимӕ, хъусын кӕны "Осетия-Ирыстон".

Хъараты Аланы аластой Цӕгат Кавказы бирӕпрофилон медицинон центрмӕ уӕззау уавӕры январы. Дохтыртӕ йын сарӕзтой ӕртӕ уӕззау операцийы, сӕ нымӕцы хирургон операци зӕрдӕйыл, кӕцы цыд 16 сахаты.

Уый фӕстӕ спортсмены уавӕр фӕхуыздӕр ис ӕмӕ йӕ дохтыртӕ цӕттӕ кодтой рафысынмӕ. Фӕлӕ медиктӕ сбӕрӕг кодтой ног зындзинӕдтӕ йе 'нӕниздзинадимӕ. Аланӕн баххуыс кодтаит зынаргъ операци, кӕцы ауадзыныл сразы сты Германийы рынчындӕттӕй иуы дохтыртӕ. Спортсмены бинонтӕ бадзырдтой алкӕмӕдӕр, кӕмӕн ис фадат, цӕмӕй сын баххуыс кӕной фæрæзтæ ӕрӕмбырд кӕнынæн.

Иумӕйаг тыхтӕй ӕмбӕлон суммӕ ӕрӕмбырд ис – авд милуан сомы дӕттынц ныфс спортсменӕн схос кӕнынӕн.

23
Михаил Кожухов

Михаил Кожухов æрцæудзæн Цæгат Ирыстонмæ

3
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

3
Полици

Дзӕуджыхъӕуы агурынц фесӕфӕг ӕвзонг лӕппуйы

5
(ранӕуӕггонд 11:52 10.07.2020)
21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр

ЦХИНВАЛ, 9 июл — Sputnik. Цӕгат Ирыстоны барадхъахъхъӕнӕг органтӕ агурынц ӕвзонг лӕппуйы, кӕцы фесӕфт суткӕйы фылдӕры размӕ, хъусын кӕны регионы мидхъуыддӕгты министрад.

Хъусинагӕй куыд бӕрӕг у, афтӕмӕй 21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр.

МХМ пресс-службӕ хъусын кӕны фесӕфӕг лӕппуйы хисӕрмагонд нысӕнттӕ: мӕллӕггомау, сау цыбыр ӕлвыд сӕрыхил,астӕуккаг ас, тымбылгомау цӕсгом.

Йӕ уӕлӕ уыд сау хӕдон бур хӕххытимӕ, фӕныкхуыз спортивон хӕлаф ӕмӕ сау кроссовкӕтӕ. Уагдоны курынц, цӕмӕй сӕм фехъусын кӕной лӕппуйы фӕдыл цыфӕнды информаци дӕр.

5