Цӕгат Иры Паддзахадон автоинспекцийы хистӕр Хуадонты Айвар

Цӕгат Иры Паддзахадон автоинспекцийы хистӕр ссӕрибар кодта йӕ бынат

18
(ранӕуӕггонд 16:21 03.10.2019)
Паддзахадон автоинспекцийы ног хистӕры нырма не снысан кодтой – уагдоны хӕстӕ рӕстӕгмӕ ӕххӕст кӕны Александр Удодик

ЦХИНВАЛ, 3 окт - Sputnik. Цӕгат Ирыстоны Паддзахадон автоинспекцийы хистӕр, полицийы булкъон Хуадонты Айвар ссӕрибар кодта йӕ бынат, хъусын кӕны 15-ӕм Регион.

Знон Паддзахадон автоинспекцийы хистӕр загъта хӕрзбон йӕ коллективӕн. Республикӕйы Паддзахадон автоинспекцийы хистӕры хӕстӕ рӕстӕгмӕ ӕххӕст кӕны полицийы дӕлбулкъон Александр Удодик.

Хуадонты Айвар уыд Цӕгат Ирыстоны Паддзахадон автоинспекцийы хистӕр 2017 азы августӕй фӕстӕмӕ.

18
Михаил Кожухов

Михаил Кожухов æрцæудзæн Цæгат Ирыстонмæ

3
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

3
Полици

Дзӕуджыхъӕуы агурынц фесӕфӕг ӕвзонг лӕппуйы

5
(ранӕуӕггонд 11:52 10.07.2020)
21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр

ЦХИНВАЛ, 9 июл — Sputnik. Цӕгат Ирыстоны барадхъахъхъӕнӕг органтӕ агурынц ӕвзонг лӕппуйы, кӕцы фесӕфт суткӕйы фылдӕры размӕ, хъусын кӕны регионы мидхъуыддӕгты министрад.

Хъусинагӕй куыд бӕрӕг у, афтӕмӕй 21-аздзыд Гаглойты Алан рахызт хӕдзарӕй 8 июны райсомӕй ӕмӕ нал ӕрбаздӕхт. Нал ис йемӕ мобилон бастдзинад дӕр.

МХМ пресс-службӕ хъусын кӕны фесӕфӕг лӕппуйы хисӕрмагонд нысӕнттӕ: мӕллӕггомау, сау цыбыр ӕлвыд сӕрыхил,астӕуккаг ас, тымбылгомау цӕсгом.

Йӕ уӕлӕ уыд сау хӕдон бур хӕххытимӕ, фӕныкхуыз спортивон хӕлаф ӕмӕ сау кроссовкӕтӕ. Уагдоны курынц, цӕмӕй сӕм фехъусын кӕной лӕппуйы фӕдыл цыфӕнды информаци дӕр.

5