Хетӕгкаты Къоста

Мӕскуыйы Стыр театры ацӕудзӕн Къостайы 160-азон юбилейӕн нывонд мадзал

28
(ранӕуӕггонд 13:38 04.10.2019)
Бӕрӕгбонон мадзал ацӕудзӕн Стыр театры Чысыл залы 28 октябры – Мӕскуыйы ирон культурӕйы бонты рӕстӕджы

ЦХИНВАЛ, 4 окт — Sputnik. Стыр театры ацӕудзӕн мадзал, кӕцы уыдзӕн нывонд Хетӕгкаты Къостайыл 160 азы сӕххӕсты цытӕн – уый тыххӕй ӕрныхас кодтой Цӕгат Ирыстоны кусӕгон рабадтыл номдзыд ирон поэты юбилейы бӕрӕгбонмӕ цӕттӕкӕнынады фӕдыл, хъусын кӕны портал Слово.

Бӕрӕгбонон мадзал ацӕудзӕн Стыр театры Чысыл залы 28 октябры – Мӕскуыйы ирон культурӕйы бонты рӕстӕджы.

Афтӕ ма номдзыд ирон поэты юбилейы бӕрӕгбоны фӕлгӕтты 15 октябры Къостайы райгуырӕн бӕстӕйы – Цӕгат Ирыстоны Алагиры районы Нары хъӕуы – ацӕудзӕн республикон литературон-фольклорон бӕрӕгбон. Уыцы бон ма Нармӕ ӕрцӕудзысты цӕрджытӕ республикӕйы ӕппӕт районтӕй – цалдӕр мин адӕймаджы. Бӕрӕгбонон мадзӕлтты фӕлгӕтты ам нывӕндынц равдисын музыкалон-поэтикон композици "Бӕрӕгбон хӕхты", кӕцы сӕххӕст кӕндзысты паддзахадон бӕхты-драмон театр "Нартӕ".

28
Цæрæнуаты арæзтад

Цæгат Иры эксплуатацимӕ радтой 77 мин квадратон метры цæрæнуат

6
(ранӕуӕггонд 15:53 26.05.2020)
Ивгъуыд азы аналогион æмгъуыдмæ республикæйы эксплуатацийы ауагътой дыууæ мин метры къаддæр цæрæнуат

ЦХИНВАЛ, 26 май - Sputnik. Цæгат Ирыстоны 2020 азы фыццаг кварталы эксплуатацийы ауагътой цæрæнуаты 77 мин кв. метры. Уый тыххæй хъусын кæны 15 Регион, республикæйы арæзтад æмæ архитектурæйы министрады пресс-службæйы информацийыл æнцойгæгæйæ.

"Пандемимæ ӕнæ кæсгæйæ, Цæгат Ирыстоны цæрæнуат уагъд цæуы эксплуатацийы. Цæвиттон, ивгъуыд азы аналогион æмгъуыдмæ республикæйы эксплуатацийы ауагътой цæрæнуаты 75 мин квадратон метры. Уый, ацы азимæ абаргæйæ, у дыууæ мин метры къаддæр",— фæбæрæг кодтой уагдоны.

Ӕрӕджы ма Цæгат Ирыстоны хицауады фехъусын кодтой, 2020 азы 73 сидзæр æмæ ныййарджыты æвджидæй фæхауæг сывæллæттæн лæвæрд кӕй æрцæудзæн фатертæ.

6
Полици

Дзæуджыхъæуы нозтджын шофыр ныццавта дыууæ полицæйаджы 

15
(ранӕуӕггонд 15:42 25.05.2020)
Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын. Нæлгоймагæй æрдомдæуыд административон бæрндзинад

ЦХИНВАЛ, 25 май - Sputnik. Цæгат Ирыстоны федералон цæстдарды-уадзæн пункт "Чермен"-ы нозтджын шофыр ныццавта дыууæ полицæйаджы, хъусын кæны 15 регион.

Хъусинагæй куыд бæрæг у, афтæмæй рог хæдтулгæйы шофыр нæ фæцарæхст скъæрын æмæ бетон гæрæныл баскъæрдта, уый фæстæ хæдтулгæ фæндаджы иуварсмæ рахауд.

"Цауы аххосæй хъыгдард баййæфтой Уæрæсейы мидхъуыддæгты министрады органты æмæ дæлхайæдты рæстæгмæйы оперативон къорды дыууæ кусæджы. Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын, - дзырдæуы хъусинаджы.

Нæлгоймагæй æрдомдæуыд административон бæрндзинад. Хъыгдард баййафджытæ госпитализацигонд æрцыдысты медицинон уагдонмæ.

15
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

0
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

0