Уӕгъдибар хъӕбысхӕст

Хъӕбысӕйхӕцджытӕ 25 бӕстӕйӕ хайад райсдзысты турнир "Аланты" Дзӕуджыхъӕуы

41
(ранӕуӕггонд 15:49 04.12.2019)
Турниры фыццаг бон, 7 декабры, ацӕудзысты развӕлгъау ӕмӕ ӕрдӕгфиналон тохтӕ алы уӕзы категориты, уӕлахиздзаутӕ ӕмӕ призерты рабӕрӕг кӕндзысты 8 декабры

ЦХИНВАЛ, 4 дек — Sputnik. Дзӕуджыхъӕуы 7 декабры райдайдзӕн III Ӕхсӕнадӕмон турнир уӕгъдибар хъӕбысхӕстӕй "Алантӕ-2019", хъусын кӕны Цӕгат Ирыстоны спорты министрады пресс-службӕ.

Турниры хайад райсдзысты уӕгъдибар хъӕбысӕйхӕцджытӕ дунейы 25 бӕстӕйӕ, сӕ нымӕцы, Уӕрӕсе, АИШ, Иран, Монголи, Турк, Сомих, Узбекистан ӕмӕ Азербайджанӕй. Хайадисджыты нымӕцы – олимпиаг чемпион, америкайаг Кайл Снайдер ( 97 килограмм), афтӕ ма 2016 азы Олимпиаг хъӕзтыты призертӕ – Ихтиор Наврузов (65 килограмм), Магомед Ибрагимов (97 килограмм) ӕмӕ Селим Яшар Туркӕй (86 килограмм).

"Турниры фыццаг бон, 7 декабры ацӕудзысты развӕлгъау ӕмӕ ӕрдӕгфиналон тохтӕ алкӕцы уӕзы категорийы: 57, 61, 65, 70, 74, 79, 86, 97, 125 килограммы. Уӕлахиздзауты ӕмӕ призерты рабӕрӕг кӕндзысты 8 декабры", - дзырдӕуы хъусинаджы,

Пресс-службӕйы бафтыдтой, алкӕцы уӕзы категорийы дӕр призон фонд уыдзӕн 10 мин доллары – уыдонӕй 5 мин райсдзӕн уӕлахиздзау, 2 мины – ӕвзист призер ӕмӕ фӕйнӕ иу мин доллары бронзӕйы майданы хицау ӕмӕ уӕлахиздзауы тренер.

Уӕгъдибар хъӕбысхӕстӕй Ӕхсӕнадӕмон турнир "Аланты" организатортӕ сты Цӕгат Ирыстоны хицауад, Хъӕбысхӕсты иугонд дуне ӕмӕ Уӕрӕсейы спортивон хъӕбысхӕсты федераци.

41
Медиктæ

Коронавирусы ныхмæ тохгæнæг медиктæн Дзæуджыхъæуы сæвæрдзысты цырт

3
(ранӕуӕггонд 11:25 24.09.2020)
Цырт фæзындзæн Барбашов æмæ Леваневскийы уынгты тигъыл, йæ бындур æвæрд æрцыд ацы аз июны мæйы

ЦХИНВАЛ, 24 сен — Sputnik. COVID-19-ы ныхмæ тохгæнæг медицинон кусджытæн цырты хуыздæр проекты авторыл нымад æрцыд Тыбылты Ибрагим, хъусын кæны НТК "Осетия-Ирыстон".

Проекты авторы ныхæстæм гæсгæ, уый эскизтыл куыста иу мæйы бæрц. ныр та мвæстиатæй фæнд кæны æрæвналын цыртæн йæхи арæзтадмæ.

Конкурсы инициатор уыд Цæгат Ирыстоны сæргълæууæг Битарты Вячеслав. Хайад дзы райстой 17 адæймаджы. Мадзалы хæс уыд канд скульптурон композици бацæттæ кæнын нæ, фæлæ ма бакусын цырты алфæмблай территорийы хæрзарæзтадыл дæр.

Цырт фæзындзæн Барбашов æмæ Леваневскийы уынгты тигъыл, йæ бындур æвæрд æрцыд ацы аз июны мæйы.

3
Гасситы Мурæты тренер радзырдта æрбалæугæ тохы тыххæй

Гасситы Мурæты тренер радзырдта боксеры æрбалæугæ тохы тыххæй

29
(ранӕуӕггонд 11:57 24.09.2020)
Сланты Виталийы ныхӕстӕм гӕсгӕ, тохы дырыс датӕ фидар нырма не ʻрцыд, фӕлӕ йӕ нывӕндынц ауадзын 31 октябры, науӕд та 1 ноябры

ЦХИНВАЛ, 24 сен — Sputnik, Плиты Фатимӕ. Дӕргъвӕтин фӕстиаты фӕстӕ номдзыд ирон боксер Гасситы Мурӕт ауадздзӕн йӕ фыццаг тох. Ирон спортсмены ныхмӕлӕууӕг суыдзӕн тӕссаг боксер, кӕцы ӕнтыстджынӕй тох кодта Владимир Кличко ӕмӕ ӕндӕр хорз боксертимӕ, фехъусын кодта Sputnik спортсмены тренер Сланты Виталий.

Йӕ ныхӕстӕм гӕсгӕ, тохы дырыс датӕ фидар нырма не ʻрцыд, фӕлӕ йӕ нывӕндынц ауадзын 31 октябры, науӕд та 1 ноябры.

"Кӕронмӕ сӕндидзынӕн Мурӕты бахъӕудзӕн дыууӕ-ӕртӕ тохы, цӕмӕй йӕ раздӕры цӕттӕдзинадмӕ схиза. Йӕ фыццаг ныхмӕлӕууӕг бӕрӕг у, фӕлӕ цалынмӕ контракт фидар ӕрцӕуа, уӕдмӕ йӕ ном нӕ цӕуы ӕргом. Уый ӕнтыстджынӕй тох кодта Владимир Кличко ӕмӕ ӕндӕр фидар боксертимӕ", - загъта тренер.

Сланты Виталий банысан кодта, Гасситы Мурæт йӕхи кӕй цӕттӕ кӕны активонӕй.

"Дыууӕ хатты тренировкӕ уадзы бон - дыууӕ сахат ӕмӕ ӕрдӕг райсом, изӕры та ӕртӕ сахаты. Йӕ раздӕры формӕйы 60-70 проценты уал систа. Йӕхи дӕр тынг фӕнды рахизын рингмӕ", - бафтыдта уый.

Гасситы Мурæт у боксæй дунейы раздæры чемпион WBA æмæ IBF верситæм гæсгæ.

 

29
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

0
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

0