Боксы изӕр Дзӕуджыхъӕуы

Фыццаг хатт Кавказы: Дзӕуджыхъӕуы ацӕудзӕн тох боксӕй дунейы чемпионы номыл

39
(ранӕуӕггонд 16:29 09.12.2019)
Боксерон клуб "Ариана"-йы минӕвар тох кӕндзӕн WBA версимӕ гӕсгӕ дунейы чемпионы титулыл иттӕг тӕссаг ныхмӕлӕууӕгимӕ Камерунӕй

ЦХИНВАЛ, 9 дек – Sputnik, Козаты Диана. Дзӕуджыхъӕуы майрӕмбоны ацӕудзӕн тох боксӕй WBA версимӕ гӕсгӕ дунейы чемпионы номыл, загъта Sputnik боксы тренер Сланты Виталий.

Турниры сӕйраг цау уыдзӕн Сланты Виталийы хъомылгӕнинаг – Федор Чудиновы тох камерунаг боксер Хассан Н’дан Н’Жикамимӕ.

"Ахӕм спортивон цау махмӕ никуы уыд. Кавказы нырма никуы ауагътой тох дунейы чемпионы титутыл. Гасситы Мурӕты тохтӕ иууылдӕр уыдысты Уӕрӕсе, кӕнӕ та Америкӕйы", - загъта Сланты Виталий.
Вечер бокса во Владикавказе
Боксы изӕр Дзӕуджыхъӕуы

Цӕгат Ирыстоны боксы федерацийы минӕвар Кокойты Таймураз радзырдта организацион фарстыты тыххӕй. Боксерон изӕр ауадзыны организацион комитеты сӕргъ лӕууы парламенты сӕрдары хӕдивӕг Кучиты Гарий.

"Дзӕуджыхъӕуы боксы изӕры сӕйраг цау уыдзӕн тох Чудинов – Н’Жикам. Андеркарты хайад райсдзысты ноджы дӕс дзӕуджыхъӕуккаг лӕппуйы – уыдонӕй аст сты дзӕуджыхъӕуккаг клуб "Ариана"-йы минӕвӕрттӕ, дыууӕ та беслӕйнаг клуб "Патриот"-ы хъомылгӕнинӕгтӕ ӕмӕ тренировкӕ кӕнынц Кокойты Хъазбеджы къухдариуӕгады бын", - радзырдта Кокойты Таймураз.

Уый ма банысан кодта, Цӕгат Ирыстоны ахӕм ӕмвӕзады мадзал кӕй сорганизаци кодтой Уӕрӕсейы боксы федерацийы сӕргълӕууӕг Умар Кремлевы архайды руаджы.

Комкоммӕ эфиры Джӕуджыхъӕуы боксы изӕр равдисдзысты дунейы 101 бӕстӕйы. Тох равдисдзысты телеканалтӕ "Матч ТВ" ӕмӕ "Матч Боец"-ы эфиры.

39
Дзӕуджыхъӕуы цӕрӕджы ӕрцахстой 20 азы размӕ Цӕгат Иры дыууӕ цӕрӕджы адавыны тыххӕй

Дзӕуджыхъӕуы цӕрӕджы ӕрцахстой 20 азы размӕ Цӕгат Иры дыууӕ цӕрӕджы адавыны тыххӕй

4
(ранӕуӕггонд 12:31 04.08.2020)
Фыдгӕнӕг ӕмбӕхст фӕдагуырдӕй 20 азы дӕргъы ӕмӕ йӕ ӕрцахстой 2020 азы апрелы Республикӕ Адыгейы территорийыл

ЦХИНВАЛ, 4 авг — Sputnik. Цӕгат Ирыстоны барадхъахъхъӕнӕг органтӕ ӕрцахстой республикӕйы 41-аздзыд цӕрӕджы, кӕцымӕ зӕрдӕ ӕхсайдта адӕмы адавынмӕ, хъусын кӕны 15-ӕм Регион.

Фӕдагуырды версимӕ гӕсгӕ, 2000 азы январы фыдгӕнӕг гарзджын къорды сконды адавта республикӕйы Горӕтгӕрон районы дыууӕ цӕрӕджы, кӕцыты уый фӕстӕ аластой хӕстӕг республикӕйы территоримӕ ӕмӕ сӕ дардтой уым цалдӕр боны дӕргъы. Уыдоны ссӕрибар кӕныны тыххӕй фыдгӕнджытӕ домдтой ӕхцайы фӕрӕзтӕ.

Фыдгӕнӕг ӕмбӕхст фӕдагуырдӕй 20 азы дӕргъы ӕмӕ йӕ ӕрцахстой 2020 азы апрелы Республикӕ Адыгейы территорийыл.

Нӕлгоймагмӕ ӕнхъӕлмӕ кӕсы 12 азы онг ахӕст.

4
Ирыстойнаг музыкант ссис дыууӕ ӕхсӕнадӕмон конкурсы уӕлахиздзау

Ирыстойнаг музыкант ссис дыууӕ ӕхсӕнадӕмон конкурсы уӕлахиздзау

6
(ранӕуӕггонд 16:33 03.08.2020)
Конкурстӕй сӕ иуы Цӕгат Ирыстоны культурӕйы министрады сывӕллӕтты музыкалон скъолайы ахуыргӕнинаг рамбылдта дыууӕ номинацийы

ЦХИНВАЛ, 3 авг – Sputnik. Авдаздзыд Будайты Олан Цӕгат Ирыстонӕй рамбылдта дыууӕ ӕхсӕнадӕмон конкурсы "Grand Talent" ӕмӕ "МоРеСоль"-ы, хъусын кӕнынц Дзӕуджыхъӕуы Адӕмон ног хабӕрттӕ.

"Grand Talent" конкурсы ӕвзонг музыкант рамбылдта гран-при номинаци "Духовые" ӕмӕ ссис фыццаг къӕпхӕны лауреат номинаци "Фортепиано"-йы. "МоРеСоль"-ы та Будайты Олан райста гран-при зарӕг "День Победы"-йы тыххӕй.

Конкурстӕ сорганизаци кодтой Мӕскуыйы, уыдон цыдысты дистанцион режимы.

Амӕйразмӕ ӕвзонг зарӕггӕнӕг Хуссар Ирыстонӕй Харебаты Марта бавдыста йӕ фарсытыл социалон хызӕгты ног композици "Къуыдайраг лæппу" Хацырты Сергейы ӕмдзӕвгӕтыл.

6
Цхинвалы авд уынгыл цæуынц цалцæггæнæн куыстытæ

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

9
(ранӕуӕггонд 13:21 04.08.2020)
Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ

ЦХИНВАЛ, 4 авг – Sputnik, Дриаты Лейла. Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты ацы аз Цхинвалы цы аст уынджы хъуамӕ ӕрцӕуой цалцӕг, уыдонӕй авдыл ныртӕккӕ активонӕй уагъд цӕуынц куыстытӕ

Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ.

"Авд уынгыл активонæй кусынц зæххы бын коммуникацитæ ивыныл. Газы хæтæлтæ ивыныл кусы паддзахадон унитарон куыстуат "Энергоресурс", доны æмæ канализацийы хæххытæ ивыныл та – "Водоканал", - банысан кодта Гаглойты Сергей.

Цхинвалы Белинскийы уынджы ныртæккæ аразджытæ кусынц газ уадзыныл, магистралон трубæтæ æвæрыны фæдыл куыстытæ æххæст æрцыдысты 75 процентæй. Доны æмæ канализацийы фæдыл куыстытæ та – 80 процентæй.

"Газуадзæн куыстытæ ныртæккæ фесты Хъайтарты æмæ Кимы уынгты. Ныртæккæ Кимы уынджы цæуынц хæрзарæзтадон куыстытæ – калынц ыл ставд цъæлдур æмæ лыстæг хуырдур. Тротуарты та цæттæ кæнынц плиткæ сæвæрынмæ. Табуйы фырты уынджы уадзынц магистралон газы хахх, хæдзæрттæм бауагътой газ, æвæрд цæуынц газнымайæнтæ. Æвæрд æрцыдысты магистралон канализацион трубæтæ дæр æмæ аразджытæ хæдзæрттæм уадзынц канализацион æмæ донуадзæн хæххытæ", - ранымадта Гаглойты Сергей.

Йæ ныхæстæм гæсгæ, Революцийы уынджы дæр цæуынц газуадзæн куыстытæ, фæуд кæны канализацион хахх, кусынц доны хахх уадзыныл æмæ цъайтæ аразыныл дæр.

Базарадон уынджы æвæрынц магистралон газуадзæн, газ уадзынц хæдзæрттæм, æвæринаг ма сты газынымайæнтæ, доны æмæ канализацийы фæдыл куыстытæ фесты.

Нæузæххонты уынджы фæуд кæнынц газуадзæн куыстытæ, монтаж кæнынц газрегуляторгæнæн пункттæ. Куыст цæуы дон æмæ канализацийы хæххытæ хæдзæрттæм уадзыныл.

Гаглойты Сергей ма куыд зæгъы, афтæмæй Плиты Ароны уынджы дæр аразджытæ рæхджы æрывналдзысты хæрзарæзтадон куыстытæм.

Инвестпрограммæмæ хаст объекттæй дарддæр ма "Водоканал"-æн хæсгонд у, цæмæй Джиоты Аланы проспекты кæрон 130, 130 а, 128, 128 а æмæ 128 б бирæфатерон корпусты территорийыл раивой зæронд канализацион хæтæлтæ.

Азы райдианæй ма Сталины уынджы 96 æмæ 98-æм хæдзæрттæ, Фидауынгæнджыты уынджы 5, 6, 8 æмæ 10-æм хæдзæрттæ, Путины уынджы 2-æм хæдзары дæр ма цалцæг æрцыдысты канализацион хæххытæ.

9