Дзӕуджыхъӕуы марты ацӕудзӕн Федор Чудиновы тох

Дзӕуджыхъӕуы марты ацӕудзӕн Федор Чудиновы тох

15
(ранӕуӕггонд 13:37 08.01.2020)
Боксер Федор Чудинов радзырдта, йӕ иннӕ тох кӕй нывӕндынц ауадзын марты Цӕгат Ирыстоны столицӕйы

ЦХИНВАЛ, 8 янв – Sputnik. WBA Gold версимӕ гӕсгӕ дунейы чемпион дыккаг астӕуккаг уӕзы уӕрӕсейаг Федор Чудинов радзырдта РИА Новости, йӕ иннӕ тох кӕй нывӕндынц ауадзын марты Дзӕуджыхъӕуы.

Йӕ фӕстаг тох уӕрӕсейаг боксер ауагъта Дзӕуджыхъӕуы 2019 азы декабры кӕрӕтты ӕмӕ рамбылдта французаг Хассан Н'Дам Н'Жикамы.

"Мӕ иннӕ тох нывӕндӕм ауадзын марты Дзӕуджыхъӕуы. Ацы тохмӕ цӕттӕ дӕр Дзӕуджыхъӕуы кӕндзӕн. Ис нын сӕрмагонд системӕ, цӕмӕй райтынг уӕм тохӕй тохмӕ. Фӕлӕ мӕнӕн Америкӕйы тренировкӕтӕ уадзыны темӕ ӕхгӕд нӕу. Цӕвиттонӕн, Сланты Виталий активон хайад иста Гасситы Мурӕты тренировкӕты, фӕлӕ йӕ нал уагътой залмӕ. Уый аххосӕгтӕ ӕз нӕ зонын. Фӕлӕ мӕнӕн ахӕм проблемӕтӕ нӕ уыдзӕн", - загъта боксер.

WBA (Super) раздӕры чемпион Федор Чудиновӕн ис 22 уӕлахизы ӕмӕ дыууӕ фембылды.

15
Дыгургом

Цӕгат Иры фервӕзын кодтой комы фӕдзӕгъӕлуӕвӕг туристкӕты

3
(ранӕуӕггонд 14:00 23.09.2020)
Екатеринбургаг туристкӕтӕ ацыдысты хӕхтӕм ӕнӕ инструкторӕй - уыдон сфӕнд кодтой цыбыртыл ацӕуын ӕмӕ, фӕндаг нӕ зонгӕйӕ, фӕдзӕгъӕл сты. Чызджыты бахъуыд ӕххуысмӕ ӕнхъӕлмӕ кӕсын 10 сахатӕй фылдӕр

ЦХИНВАЛ, 23 сен — Sputnik. Цӕгат Ирыстоны барадхъахъхъӕнӕг органты кусӕг Габеты Руслан фервӕзын кодта дыууӕ студенткӕйы Екатеринбургӕй, кӕцытӕ фӕдзӕгъӕл сты Дыгургомы, хъусын кӕны республикӕйы МХМ.

Туристкӕтӕ ацыдысты хӕхтӕм ӕнӕ инструкторӕй, комы ма нӕй телефонон бастдзинад дӕр. Чызджытӕ сфӕнд кодтой цыбыртыл ацӕуын ӕмӕ, фӕндаг нӕ зонгӕйӕ, фӕдзӕгъӕл сты. Фӕрацу-бацу кодтой дӕс сахатӕй фылдӕр - талынгты онг, стӕй сарт кодтой ӕмӕ ӕнхъӕлмӕ кастысты ӕххуысмӕ.

"Райсомӕй туристкӕтӕм ӕххуысмӕ фӕзынд фадыгон полицӕйаг Габеты Руслан, кӕцы сӕ ахизын кодта цӕугӕдон Урухы сӕрты ӕмӕ сӕ ӕркодта фӕстӕмӕ хъӕумӕ", - дзырдӕуы хъусинаджы.

Цауы фӕстӕ чызджытӕ ныффыстой бузныджы фыстӕг Мидхъуыддӕгты министр Михаил Скоковы номыл, цы ран банысан кодтой, сӕ былцӕн кӕй уыдаид мӕгуырау фӕстиуджытӕ, Ирӕфы районы фадыгон инспектор куы нӕ уыдаид, уӕд.

3
Коронавирус

Цӕгат Иры Роспотребнадзоры фехъусын кодтой ног бӕрӕггӕнӕнтӕ коронавирусы фӕдыл

5
(ранӕуӕггонд 12:05 23.09.2020)
Пандемийы рӕстӕджы республикӕйы рабӕрӕг кодтой 5609 рынчыны коронавирусӕй, уыдонӕй 4851 адӕймаджы сӕнӕниз сты, 68 амардысты

ЦХИНВАЛ, 23 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 34 ног рынчыны. Фӕрынчынуӕвджыты иумӕйаг нымӕц у 5609, фехъусын кодтой Роспотребнадзоры.

- 655 адӕймаджы сты амбулаторон хоскӕнынады.

- 35 адӕймаджы хос кӕнынц республикӕйы медицинон уагдӕтты.

- 4851 адӕймаджы сӕнӕниз сты.

- 68 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 31 милуан адӕймагӕй фылдӕр, 970 мин рынчынӕй фылдӕр амардысты.

5
Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

0
(ранӕуӕггонд 16:09 23.09.2020)
Авари ӕрцыд ӕртыццӕджы сихорафон Дзау-Цхинвал фӕндагыл. Развӕлгъау бӕрӕггӕнӕнтӕм гӕсгӕ, машинӕйы шофыр уӕззау цӕфтӕ нӕ фӕцис

ЦХИНВАЛ, 23 сен — Sputnik, Хъуылымбегты Азӕмӕт. Хуссар Ирыстоны столицӕйы цӕгаттаг фарс ӕртыццӕджы ӕрцыд фӕндагон-транспортон цау - рог хӕдтулгӕ "Volkswagen Jetta-йы шофыр сӕмбӕлд фӕндагон нысаны цӕджындзыл ӕртагкӕнӕн станцмӕ базилӕны. Мидхъуыддӕгты министрады пресс-службӕйы кусӕг Джиоты Алик куыд фехъусын кодта, афтӕмӕй автоинспекцийы кусджытӕ бӕрӕг кӕнынц цауы ӕууӕлтӕ.

"Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй, - загъта уый.

Хӕдтулгӕ, бафтыдта пресс-службӕйы кусӕг, дзӕвгар ныппырхытӕ ис, уый сэвакуаци кодтой цауы бынатӕй.

0