Ӕлборты Асланбег

Ирон уӕгъдибар хъӕбысӕйхӕцӕг рамбылдта ӕхсӕнадӕмон турнир Турчы

11
(ранӕуӕггонд 12:25 13.01.2020)
Яшар Догуйы Мемориал балхынцъ ис Стамбулы 12 январы. Ирон спортсмен архайдта 92 килограмм уӕзы категорийы

ЦХИНВАЛ, 13 янв — Sputnik. Цӕгатирыстойнаг спортсмен Ӕлборты Асланбег ссис Яшар Догуйы 48-ӕм Мемориалы уӕлахиздзау уӕгъдибар хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.

Ӕхсӕнадӕмон турнир уӕгъдибар хъӕбысхӕстӕй балхынцъ ис Стамбулы 12 январы. Ирон спортсмен архайдта 92 килограмм уӕзы категорийы.

"Ирон хъӕбысӕйхӕцӕг, кӕцы архайдта Азербайджаны командӕйы сконды, ссис турниры уӕлахиздзау 92 килограмм уӕзы категорийы, финалон тохы уый рамбылдта Гуырдзыстоны минӕвар Давид Марсагишвилийы", - дзырдӕуы хъусинаджы.

Ӕлборты Асланбег у 2017 азы дунейы чемпионаты бронзӕйон призер, 2011 азы Европӕйы чемпион ӕвзӕнгты хсӕн.

11