Наркопритон

Цæгат Иры полици æрæхгæдта наркопритон

17
(ранӕуӕггонд 17:06 20.01.2020)
Оперативникты бацыды рæстæджы фатеры йæ хицæуттæй дарддæр уыдысты сæ уазджытæ наркотикон буарæдтæй расыгæй

ЦХИНВАЛ, 20 янв - Sputnik. Цæгат Ирыстоны полицийы кусджытæ æрæхгæдтой наркопритоны архайд, кæцы уыд республикæйы 32-аздзыд цæрæджы фатеры, хъусын кæны МХМ пресс-службæ.

Фыдгæнæг рæстæгæй-рæстæгмæ æвæрдта йæ фатер йæ наркоман-зонгæтæн, кæцытæ уым цæттæ æмæ пайда кодтой наркотикон æмæ психотропон буарæдтæ. 

"Басгæрсты рæстæджы полицийы кусджытæ ссардтой æмæ байстой 106 граммы гæн, наркотикон буарæдтæ æрцæттæ кæнынæн æнæмæнгхъæуæг предметтæ, шприцтæ", - дзырдæуы хъусинаджы.           

Оперативникты бацыды рæстæджы фатеры йæ хицау æмæ йæ граждайнаг æмкъаййæ дарддæр уыдысты сæ уазджытæ наркотикон буарæдтæй расыгæй. Фæстæдæр уый сбæрæг кодта медицинон басгæрст дæр.

Притоны организатор конд æрцыд полицийы дæлхайадмæ, уый басаст йæ фыдракæндыл. Нæлгоймаджы ныхмæ бакондæуыд уголовон хъуыддаг.

17
Коронавирус

Цӕгат Иры Роспотребнадзоры фехъусын кодтой ног бӕрӕггӕнӕнтӕ коронавирусы фӕдыл

5
(ранӕуӕггонд 12:05 23.09.2020)
Пандемийы рӕстӕджы республикӕйы рабӕрӕг кодтой 5609 рынчыны коронавирусӕй, уыдонӕй 4851 адӕймаджы сӕнӕниз сты, 68 амардысты

ЦХИНВАЛ, 23 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 34 ног рынчыны. Фӕрынчынуӕвджыты иумӕйаг нымӕц у 5609, фехъусын кодтой Роспотребнадзоры.

- 655 адӕймаджы сты амбулаторон хоскӕнынады.

- 35 адӕймаджы хос кӕнынц республикӕйы медицинон уагдӕтты.

- 4851 адӕймаджы сӕнӕниз сты.

- 68 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 31 милуан адӕймагӕй фылдӕр, 970 мин рынчынӕй фылдӕр амардысты.

5
Ирон уӕлибыхтӕ ссисты иууыл хуыздӕр Санкт-Петербурджы фестивалы

Ирон уӕлибыхтӕ ссисты иууыл хуыздӕр Санкт-Петербурджы фестивалы

5
(ранӕуӕггонд 11:54 14.09.2020)
Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы

ЦХИНВАЛ, 14 сен — Sputnik. Ирон уӕлибыхтӕ ссисты иууыл хуыздӕр "Петербурджы Националон къӕбицтӕ – 2020"-ы конкурсы, хъусын кӕны 15-ӕм Регион.

Конкурс уагъд цыд онлайн-форматы – Цӕгат Ирыстон бавдыста видеоролик, кӕцы систой республикон хӕларады хӕдзар, нациадты хӕдзар ӕмӕ хъазахъхъӕгты ӕхсӕнады минӕвӕртты хсӕн ӕмархайды фӕдыл бадзырд бафыссыны рӕстӕджы. Ацы мадзалы фӕлгӕтты сорганизаци кодтой мастер-класс, кӕцыйы рӕстӕджы хъазахъхъхъӕгты минӕвӕртты ахуыр кодтой аразын уӕлибыхтӕ, процесс систой видеойыл.

Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы. Фыццаг этапы уӕлахиздзауты схорзӕхджын кӕндзысты 18 сентябры Санкт-Петербурджы.

5
Парламент

Спикер: депутатты архайд у закондӕттӕг органы куысты ӕргом саботаж

5
(ранӕуӕггонд 12:04 23.09.2020)
Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн

ЦХИНВАЛ, 23 сен — Sputnik, Плиты Фатимæ. Хуссар Ирыстоны парламент нырма не 'ркаст Хуссар Ирыстоны хицауады сӕрдарӕй Бекъойты Геннадийы снысан кӕныны ӕнхъарӕнмӕ. Къорд парламентарий кӕй нӕ цӕуынц сессимӕ, уый парламенты спикер Тадтаты Алан схуыдта закондӕттӕг органы куысты ӕргом саботаж.

Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн. Депутатты иу къорд фӕхъусын кодтой, сӕ хӕстӕ кӕй не 'ххӕст кӕнындзысты, цалынмӕ паддзахады разамонӕг нӕ сӕххӕст кӕна сӕ домӕн - Генералон прокурор Дзӕгъиаты Уырызмӕджы йӕ бынатӕй ссӕрибар кӕнынмӕ.

"Депутаттӕ не 'рымбырд сты. Абон ӕнӕмӕнгӕй хъуамӕ радтон дзуапп президентӕн ӕмӕ йӕ ратдзӕн. Никуы никӕцы законы фыст ис, ныридӕгӕн цы аразынц депутаттӕ, уый. Уый у парламенты куысты ӕргом саботаж", - загъта Sputnik парламенты сӕрдар Тадтаты Алан.

16 сентябры президент Бибылты Анатолий парламенты ӕркастмӕ бавдыста Бекъойты Геннадийы кандидатурӕ премьер-министры бынатмӕ. Конституцимӕ гӕсгӕ, фарстмæ сессийы агъоммӕ ӕркӕсынц комитет æмæ президиумы.

Раздӕры хицауад ацыд отставкӕйы Цхинвалы митингты фӕстӕ. Столицӕйы адӕм се 'неразыдзинад равдыстой Цхинвалы цӕрӕг Дзабиты Иналы мӕлӕты фӕстӕ, кӕцы амард Мидхъуыддӕгты министрады криминалон милицийы рӕстӕгмӕ дарӕн изоляторы нады фæстиуæгæн.

Уый фæстæ митингты адӕм домдтой МХМ хистӕр ӕмӕ Генералон прокуроры отставкӕтӕ. 16 сентябры президент йӕ пресс-конференцийы комкоммӕ эфиры фехъусын кодта йӕ дзуапп депутаттӕн, генералон прокуроры йӕ бынатӕй ссӕрибар кӕнынӕн кӕй нӕй бындур. Уымӕй размӕ закондӕттӕг органты депутатты ӕмбис сӕ куыст ӕххӕст кӕныныл нал саразы сты, цалынмӕ президент сӕххӕст кӕна сӕ домӕн.

18 сентябры парламентон фракци "Иугонд Ирыстон"-ы скондæй йæ рахызты тыххæй фехъусын кодта депутат Мулдарты Гарри, уымæй уый равдыста йе ʻнæразыдзинад депутатты фылдæр хайы домæн æххæст кæй не ʻрцыд, уый тыххæй.

5