Дзæуджыхъæуы шофыр ныццавта фистæгæй цæуæджы: бакодтой уголовон хъуыддаг

11
(ранӕуӕггонд 09:11 24.01.2020)
Шофыр, кæцы цыд мæкуыйаг уынгыл Къостайы проспекты рдæм, нæ ауагъта фистæгæй цæуæджы

ЦХИНВАЛ, 23 янв - Sputnik. Цæгат Ирыстоны слесгæнæн управлени бакодта уголовон хъуыддаг шофыры ныхмæ, кæцы нæ рауагъта фистæгæй цæуæджы, цæй фæстиуæгæн амард Дзæуджыхъæуы цæрæг сылгоймаг.

Инцидент ʻрцыд Цæгат Ирыстоны къуырисæры изæры. Дзæуджыхъæуы 27-аздзыд цæрæг, кæцы скъæрдта хæдтулгæ  "Toyota Alphard",  нæ фæсабыр кодта йæ цыд фистæгæй цæуджыты бынаты. Уый хыгъд  ныццавта 65-аздзыд сылгоймаджы, кæцы амард рынчындоны.

Ацы фыдракæнды тыххæй нæлгоймаг азымджын цæуы УФ УК ст. 264-ы 3-æм хаймæ гæсгæ, хъусын кæны Цæгат Иры МХМ.

Уголовон хъуыддаг сгæрст цæуы. Ӕввахс рæстæджы зæрдæхсайгæ адæймагæн бамбарын кæндзысты цы хъуыддаджы цæуы азымджын.

11
Ирыстоны дзюдоисттӕ ӕнтыстджын архайд скодтой ЦКФЗ чемпионаты

Ирыстоны дзюдоисттӕ ӕнтыстджынӕй ралӕууыдысты ЦКФЗ чемпионаты

3
(ранӕуӕггонд 15:27 25.09.2020)
Спортсментӕ цӕгат Ирыстонӕй рамбылдтой 19 хорзӕхы чемпионаты Грозныйы, уыдонӕй авд сты сыгъзӕрин майдантӕ

ЦХИНВАЛ, 25 сен — Sputnik. Цӕгат Ирыстоны командӕ дзюдойӕ ӕнтыстджын архайд скодта Цӕгат Кавказы фӕдералон зылды (ЦКФЗ) чемпионаты Грозныйы. Уый тыххӕй хъусын кӕны республикӕйы физикон культурӕ ӕмӕ спорты министрады пресс-службӕ.

Ирыстойнаг спортсментӕ рамбылдтой авд сыгъзӕрин, авд ӕвзист ӕмӕ фондз бронзӕйон майданы.

Кады пьедесталы фыццаг къӕпхӕнмӕ схызтысты Толасты Арсен (66 кг), Гаглойты Эллина (52 кг), Гӕджиты Кристина (57 кг), Гӕджиты Алина (63 кг), Дзугутты Ирэна (70 кг), Хъуппеты Дзерассӕ (78 кг), Ӕлборты Алана (78+ кг).

Ӕвзист майдантӕ рамбылдтой Икъоты Сослан (100 кг), Дзуццаты Александр ( 100 +кг), Лазарты Алана (48 кг), Бететы Бэла (52 кг), Цырыхаты Дана (57 кг, Калаты Марина (63 кг), Елхъанты Яна (70 кг).

Бронзӕйон майданты хицӕуттӕ баисты Армен Тадевосян (66 кг), Татьяна Савицкая (48 кг), Гӕбӕраты Софья (52 кг), Балаты Дина 57 кг), Къӕбысты Радмила (70 кг).

3
Рынчындон

Цӕгат Иры коронавирус ахаста ноджы иу адӕймаджы цард

6
(ранӕуӕггонд 13:09 25.09.2020)
Нӕлгоймаг ма тыхст зӕрдӕйы ӕмӕ уыргты уӕззау низтӕй, туджы бӕрзонд ӕлхъывдадӕй, уыд тынг уӕззау уавӕры. Пациенты баиу кодтой уӕрджыты вентиляцийы аппаратмӕ, фӕлӕ йӕ уӕддӕр дохтырты бон нӕ бацис аирвӕзын кӕнын

ЦХИНВАЛ, 25 сен - Sputnik. Цӕгат Ирыстоны ноджы иу адӕймаг ног коронавирусы инфекциимӕ амард рынчындоны, хъусын кӕны республикӕйы ӕнӕниздзинад хъахъхъӕнынады министрады пресс-службӕ.

Хъусинагӕй куыд бӕрӕг у, афтӕмӕй 1968 азы гуырд нӕлгоймаг бахауд рынчындонмӕ ног коронавирусы диагнозимӕ. Уый ма тыхст зӕрдӕйы ӕмӕ уыргты уӕззау низтӕй, туджы бӕрзонд ӕлхъывдадӕй. Уыд тынг уӕззау уавӕры. Пациенты баиу кодтой уӕрджыты вентиляцийы аппаратмӕ, фӕлӕ йӕ уӕддӕр дохтырты бон нӕ бацис аирвӕзын кӕнын. Нӕлгоймаг амард майрӕмбоны", - хъусын кӕны пресс-службӕ.

Цӕгат Ирыстоны ӕдӕппӕт коронавирусон инфекцийӕ амардысты 69 адӕймаджы.

6
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

0
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

0