Цӕгат Иры ӕрцыд 4 магнитудӕйы тыхӕн зӕххӕнкъуыст

9
(ранӕуӕггонд 12:47 27.01.2020)
Зӕххӕнкъуысты ратӕдзӕн уыд республикӕйы Алагиры районы 6 километры арфӕн. Дӕлзӕххон ӕнкъуыстытӕ фӕхатыдысты Алагиры районы ӕмӕ Фиагдоны поселочы

ЦХИНВАЛ, 27 янв — Sputnik. Цӕгат Ирыстоны дысон ӕхсӕв ӕрцыд зӕххӕнкъуыст, йӕ тых 4 магнитудӕйы, хъусын кӕны "Слово" регионалон УУМ-ы информацийыл ӕнцойгӕнгӕйӕ.

Банысан ӕрцыд, зӕххӕнкъуысты ратӕдзӕн кӕй уыд республикӕйы Алагиры районы 6 километры арфӕн. Дӕлзӕххон ӕнкъуыстытӕ фӕхатыдысты Алагиры районы ӕмӕ Фиагдоны поселочы. Рог ӕнкъуыстытӕ ма фӕхатыдысты Дзӕуджыхъӕуы кӕцыдӕр районты цӕрджытӕ дӕр.

Зианбаййафджыты ӕмӕ пырхыты фӕдыл нырма ницы информаци бацыд уагдонмӕ.

9