Дзюдо

Цӕгатирыстойнаг дзюдоист рамбылдта сыгъзӕрин майдан Европӕйы Кубокы

16
(ранӕуӕггонд 09:43 03.02.2020)
Ерыстӕ, цы ран хайад истой спортсментӕ 42 бӕстӕйӕ, балхынцъ сты Болгарийы столицӕйы хуыцаубоны. Ирон спортсмен архайдта 81 килограмм уӕзы категорийы

ЦХИНВАЛ, 3 фев — Sputnik. Ирон дзюдоист Елбачиты Георгий рамбылдта сыгъзӕрин майдан Европӕйы Кубокы, хъусын кӕны Цӕгат ирыстоны спорты министрады пресс-службӕ.

Ерыстӕ, цы ран хайад истой спортсментӕ 42 бӕстӕйӕ, балхынцъ сты Болгарийы столицӕйы хуыцаубоны. Ирон спортсмен архайдта 81 килограмм уӕзы категорийы.

Дзюдоист Георгий Елбакиев
Дзюдоист Елбачиты Георгий
"Финалмӕ фӕндаджы Елбачиты Георгий рамбылдта йӕ ныхмӕлӕуджыты Австри, Бразили, Франци, Испани ӕмӕ Мароккойӕ. Финалон тохы та ныддӕрӕн кодта Тимо Кавелиусы Германийӕ", - банысан кодтой пресс-службӕйы.

Спортсмен ерыстӕм цӕттӕ кодта Беккуызарты Алик ӕмӕ Цӕгъӕраты Хъазбеджы къухдариуӕгады бын.

16
Коронавирус

Цӕгат Иры Роспотребнадзоры фехъусын кодтой ног бӕрӕггӕнӕнтӕ коронавирусы фӕдыл

5
Пандемийы рӕстӕджы республикӕйы рабӕрӕг кодтой 5609 рынчыны коронавирусӕй, уыдонӕй 4851 адӕймаджы сӕнӕниз сты, 68 амардысты

ЦХИНВАЛ, 23 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 34 ног рынчыны. Фӕрынчынуӕвджыты иумӕйаг нымӕц у 5609, фехъусын кодтой Роспотребнадзоры.

- 655 адӕймаджы сты амбулаторон хоскӕнынады.

- 35 адӕймаджы хос кӕнынц республикӕйы медицинон уагдӕтты.

- 4851 адӕймаджы сӕнӕниз сты.

- 68 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 31 милуан адӕймагӕй фылдӕр, 970 мин рынчынӕй фылдӕр амардысты.

5
Ирон уӕлибыхтӕ ссисты иууыл хуыздӕр Санкт-Петербурджы фестивалы

Ирон уӕлибыхтӕ ссисты иууыл хуыздӕр Санкт-Петербурджы фестивалы

5
(ранӕуӕггонд 11:54 14.09.2020)
Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы

ЦХИНВАЛ, 14 сен — Sputnik. Ирон уӕлибыхтӕ ссисты иууыл хуыздӕр "Петербурджы Националон къӕбицтӕ – 2020"-ы конкурсы, хъусын кӕны 15-ӕм Регион.

Конкурс уагъд цыд онлайн-форматы – Цӕгат Ирыстон бавдыста видеоролик, кӕцы систой республикон хӕларады хӕдзар, нациадты хӕдзар ӕмӕ хъазахъхъӕгты ӕхсӕнады минӕвӕртты хсӕн ӕмархайды фӕдыл бадзырд бафыссыны рӕстӕджы. Ацы мадзалы фӕлгӕтты сорганизаци кодтой мастер-класс, кӕцыйы рӕстӕджы хъазахъхъхъӕгты минӕвӕртты ахуыр кодтой аразын уӕлибыхтӕ, процесс систой видеойыл.

Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы. Фыццаг этапы уӕлахиздзауты схорзӕхджын кӕндзысты 18 сентябры Санкт-Петербурджы.

5