Цӕгат Иры эксплуатацимӕ радтой Зӕрӕмӕджы ГЭС-1
(ранӕуӕггонд 10:32 05.02.2020)
Станц хъуамӕ скусын кодтаиккой 2019 азы 1 январьмӕ, фӕлӕ эксплуатацимӕ раттыны датӕ цалдӕр хатты аивтойЦХИНВАЛ, 5 фев — Sputnik. Цӕгат Ирыстоны эксплуатацимӕ радтой егъаудӕр республикӕйы ӕмӕ ӕртыккаг гидроэлектростанц хъомысӕй Цӕгат Кавказы – Зӕрӕмӕджы ГЭС-1, хъусын кӕны РИА Новости.
Станц бакӕныны церемонийы хайад райстой Уӕрӕсейы хицауады сӕрдары хӕдивӕг Юрий Борисов, Уӕрӕсейы энергетикӕйы министр Александр Новак, Цӕгат Ирыстоны сӕргълӕууӕг Битарты Вячеслав, афтӕ ма Ростехнадзоры сӕргълӕууӕг Алексей Алешин.
Ног станцӕн уыдзӕн хорз ӕндӕвдад Цӕгат Ирыстоны социалон-экономикон райрӕзтыл. Станцы хъомыс у 346 МВТ, электроэнергийы проектон азон рауагъдад – 842 милуан кВт.ч. ГЭС-ы бӕстыхайы ис дыууӕ гидроагрегаты, кӕцыты хъомыс у фӕйнӕ 173 МВт.
"Зӕрӕмӕджы ГЭС-1 ракодта Цӕгат Ирыстоны электроэнергетикӕ ног гъӕдджын ӕмвӕзадмӕ: республикӕйы электростанцты иумӕйаг хъомыс фӕфылдӕр цыппар хатты. Зӕрӕмӕджы ГЭС-1 фӕхуыздӕр кӕндзӕн ӕппӕт Цӕгат Кавказы регионы электроифтонгад", - банысан кодта "Русгидро"-йы сӕрдар Николай Шульгинов.
Зӕрӕмӕджы ГЭС-ты арӕзтад райдыдта 1978 азы. Арӕзтад ӕрурӕдтой ӕмӕ йӕ сног кодтой ӕрмӕстдӕр 2006 азы, арӕзтадон объект "Русгидро"-йы цӕстдардмӕ куы радтой, уый фӕстӕ.
Коронавирусы ныхмæ тохгæнæг медиктæн Дзæуджыхъæуы сæвæрдзысты цырт
(ранӕуӕггонд 11:25 24.09.2020)
Цырт фæзындзæн Барбашов æмæ Леваневскийы уынгты тигъыл, йæ бындур æвæрд æрцыд ацы аз июны мæйы ЦХИНВАЛ, 24 сен — Sputnik. COVID-19-ы ныхмæ тохгæнæг медицинон кусджытæн цырты хуыздæр проекты авторыл нымад æрцыд Тыбылты Ибрагим, хъусын кæны НТК "Осетия-Ирыстон".
©
Sputnik / Денис Абрамов
Проекты авторы ныхæстæм гæсгæ, уый эскизтыл куыста иу мæйы бæрц. ныр та мвæстиатæй фæнд кæны æрæвналын цыртæн йæхи арæзтадмæ.
Конкурсы инициатор уыд Цæгат Ирыстоны сæргълæууæг Битарты Вячеслав. Хайад дзы райстой 17 адæймаджы. Мадзалы хæс уыд канд скульптурон композици бацæттæ кæнын нæ, фæлæ ма бакусын цырты алфæмблай территорийы хæрзарæзтадыл дæр.
Цырт фæзындзæн Барбашов æмæ Леваневскийы уынгты тигъыл, йæ бындур æвæрд æрцыд ацы аз июны мæйы.
Гасситы Мурæты тренер радзырдта боксеры æрбалæугæ тохы тыххæй
(ранӕуӕггонд 11:57 24.09.2020)
Сланты Виталийы ныхӕстӕм гӕсгӕ, тохы дырыс датӕ фидар нырма не ʻрцыд, фӕлӕ йӕ нывӕндынц ауадзын 31 октябры, науӕд та 1 ноябрыЦХИНВАЛ, 24 сен — Sputnik, Плиты Фатимӕ. Дӕргъвӕтин фӕстиаты фӕстӕ номдзыд ирон боксер Гасситы Мурӕт ауадздзӕн йӕ фыццаг тох. Ирон спортсмены ныхмӕлӕууӕг суыдзӕн тӕссаг боксер, кӕцы ӕнтыстджынӕй тох кодта Владимир Кличко ӕмӕ ӕндӕр хорз боксертимӕ, фехъусын кодта Sputnik спортсмены тренер Сланты Виталий.
Йӕ ныхӕстӕм гӕсгӕ, тохы дырыс датӕ фидар нырма не ʻрцыд, фӕлӕ йӕ нывӕндынц ауадзын 31 октябры, науӕд та 1 ноябры.
"Кӕронмӕ сӕндидзынӕн Мурӕты бахъӕудзӕн дыууӕ-ӕртӕ тохы, цӕмӕй йӕ раздӕры цӕттӕдзинадмӕ схиза. Йӕ фыццаг ныхмӕлӕууӕг бӕрӕг у, фӕлӕ цалынмӕ контракт фидар ӕрцӕуа, уӕдмӕ йӕ ном нӕ цӕуы ӕргом. Уый ӕнтыстджынӕй тох кодта Владимир Кличко ӕмӕ ӕндӕр фидар боксертимӕ", - загъта тренер.
Сланты Виталий банысан кодта, Гасситы Мурæт йӕхи кӕй цӕттӕ кӕны активонӕй.
"Дыууӕ хатты тренировкӕ уадзы бон - дыууӕ сахат ӕмӕ ӕрдӕг райсом, изӕры та ӕртӕ сахаты. Йӕ раздӕры формӕйы 60-70 проценты уал систа. Йӕхи дӕр тынг фӕнды рахизын рингмӕ", - бафтыдта уый.
Гасситы Мурæт у боксæй дунейы раздæры чемпион WBA æмæ IBF верситæм гæсгæ.
Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.
Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".
Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.
Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.
"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.
Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.
Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.
"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.
Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.
Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.