Цӕгат Иры УУМ фӕдзӕхсы зӕйты ӕрцыды тасӕй
(ранӕуӕггонд 15:59 05.02.2020)
Цӕгат Ирыстоны ӕвзӕр боныгъӕды фӕдыл ис штормон фӕдзӕхст зӕйты ӕрцыды тасы тыххӕй ЦХИНВАЛ, 5 фев - Sputnik. Цӕгат Ирыстоны Уӕлвӕткон уавӕрты министрады (УУМ) хъусын кӕнынц зӕйты ӕрцыды тасы тыххӕй республикӕйы 1,5 мин метрӕй бӕрзонддӕр хӕххон районты. УУМ пресс-службӕмӕ гӕсгӕ, зӕйтӕ рцӕуыны тӕссагдзинад уыдзӕн ӕртыццӕгӕй цыппӕрӕмы изӕрмӕ.
"Цӕгат Кавказы гидрометеорологийы бӕрӕггӕнӕнтӕм гӕсгӕ Цӕгат Ирыстоны хӕххон районты тас у зӕйты ӕрцыдӕй. Штормон фӕдзӕхст уыдзӕн 2020 азы 6 февралы 18.00 сахатмӕ", - дзырдӕуы уагдоны хъусинаджы.
Амӕйразмӕ, дыццӕджы, тыхджын митуард ӕмӕ зӕйты ӕрцыды фӕдыл сӕхгӕдтой Транскавказаг автомагистраль, кӕцы иу кӕны Хуссар Ирыстон ӕмӕ Уӕрӕсейы. Трассӕйыл змӕлд сног кодтой уыцы изӕр. Хуссар Ирыстоны УУМ дӕр фӕдзӕхсынц, ӕвзӕр боныгъӕды тыххӕй та гӕнӕн ис кӕй сӕхгӕной транспорты змӕлд Транскамы уылты.
Цӕгат Иры Роспотребнадзоры фехъусын кодтой ног бӕрӕггӕнӕнтӕ коронавирусы фӕдыл
(ранӕуӕггонд 12:05 23.09.2020)
Пандемийы рӕстӕджы республикӕйы рабӕрӕг кодтой 5609 рынчыны коронавирусӕй, уыдонӕй 4851 адӕймаджы сӕнӕниз сты, 68 амардыстыЦХИНВАЛ, 23 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 34 ног рынчыны. Фӕрынчынуӕвджыты иумӕйаг нымӕц у 5609, фехъусын кодтой Роспотребнадзоры.
- 655 адӕймаджы сты амбулаторон хоскӕнынады.
- 35 адӕймаджы хос кӕнынц республикӕйы медицинон уагдӕтты.
- 4851 адӕймаджы сӕнӕниз сты.
- 68 адӕймаджы амардысты.
Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 31 милуан адӕймагӕй фылдӕр, 970 мин рынчынӕй фылдӕр амардысты.
Ирон уӕлибыхтӕ ссисты иууыл хуыздӕр Санкт-Петербурджы фестивалы
(ранӕуӕггонд 11:54 14.09.2020)
Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийыЦХИНВАЛ, 14 сен — Sputnik. Ирон уӕлибыхтӕ ссисты иууыл хуыздӕр "Петербурджы Националон къӕбицтӕ – 2020"-ы конкурсы, хъусын кӕны 15-ӕм Регион.
©
Sputnik / Наталья Айриян
Конкурс уагъд цыд онлайн-форматы – Цӕгат Ирыстон бавдыста видеоролик, кӕцы систой республикон хӕларады хӕдзар, нациадты хӕдзар ӕмӕ хъазахъхъӕгты ӕхсӕнады минӕвӕртты хсӕн ӕмархайды фӕдыл бадзырд бафыссыны рӕстӕджы. Ацы мадзалы фӕлгӕтты сорганизаци кодтой мастер-класс, кӕцыйы рӕстӕджы хъазахъхъхъӕгты минӕвӕртты ахуыр кодтой аразын уӕлибыхтӕ, процесс систой видеойыл.
Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы. Фыццаг этапы уӕлахиздзауты схорзӕхджын кӕндзысты 18 сентябры Санкт-Петербурджы.
Хуссар Иры райдыдта йӕ куыст арт-тыгъдад "Портал" – видео
(ранӕуӕггонд 12:22 23.09.2020)
Арт-тыгъдад "Портал"-ы райдыдтой уадзын сфӕлдыстадон изӕртӕ. Арт-проектӕн паддзахад цы ӕртӕуӕладзыгон хӕдзар рахицӕн кодта, уый у рагон Цхинвалы иууыл колоритон бӕстыхӕйттӕй сӕ иуФӕсивӕд бавнӕлдтой бӕстыхайы цалцӕгмӕ дыууӕ азы размӕ ӕмӕ ныридӕгӕн сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, афтӕ ма сарӕзтой балкон ӕмӕ дыккаг уӕладзыг.
Абоны бон, цалцӕггӕнӕн куыстытӕм ӕнӕкӕсгӕйӕ, "Портал"-ы уагъд цӕуынц сфӕлдыстадон изӕртӕ, цы ран ӕрӕмбырдуӕвджытӕ хъусынц ӕвзонг ӕххӕстгӕнджыты музыкӕ ӕмӕ зарджытӕм.