Коронавирус

Цӕгат Иры сбӕрӕг кодтой коронавирусӕй фыццаг фӕрынчынуӕвджыты

19
(ранӕуӕггонд 09:53 01.04.2020)
COVID-19 вирусӕй фӕрынчынуӕвджытимӕ чи контакт кодта, уыдон сты медицинон хъусдарды бын

ЦХИНВАЛ, 1 апр – Sputnik. Цӕгат Ирыстоны дыууӕ цӕрӕгӕн сбӕрӕг кодтой коронавирус. Уый тыххӕй республикӕйы сӕргълӕууӕг Битарты Вячеслав фехъусын кодта Instagram-ы йӕ фарсыл.

Битарты Вячеслав куыд банысан кодта, афтӕмӕй фӕрынчынуӕвджыты уавӕр у хорз, дохтыртӕ сын ӕххӕст кӕнынц ӕнӕмӕнгхъӕуӕг ӕххуыс.

"Хъыгагӕн, ныртӕккӕ нӕ республикӕйы дыууӕ цӕрӕгӕн сбӕрӕг кодтой коронавирус. Сӕ уавӕр у хорз, дохтыртӕ сын кӕнынц ӕнӕмӕнгхъӕуӕг ӕххуыс. Семӕ чи контакт кодта, уыдон сты медицинон хъусдарды бын", - ныффыста Цӕгат Ирыстоны сӕргълӕууӕг Битарты Вячеслав.

Афтӕ ма Битарты Вячеслав бафыста барамынд республикӕйы хисӕрмагонд изоляцийы режим бакӕныны фӕдыл.

"Барадхъахъхъӕнӕг органтӕ сӕ хъус дардзысты ацы режим ӕххӕст кӕнынмӕ", - бахахх кодта республикӕйы сӕргълӕууӕг.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Дунейы вирусӕй ныридӕгӕн фӕрынчын сты 860 мин адӕймаджы, сӕ фылдӕр хайӕн схос кодтой, 41 мин адӕймагӕй фылдӕр фӕмард сты.

Уӕрӕсейы коронавирусӕй фӕрынчынуӕвджыты нымӕц у 2337, схос кодтой 121 адӕймагӕн, 17 та фӕмард сты.

19
Пандеми

52 рынчыны иу суткӕмӕ: коронавирусимӕ уавӕр Цӕгат Иры

2
(ранӕуӕггонд 11:57 22.10.2020)
Пандемийы рӕстӕджы республикӕйы рабӕрӕг кодтой 6753 рынчыны коронавирусӕй, уыдонӕй 5788 адӕймаджы сӕнӕниз сты, 70 амардысты

ЦХИНВАЛ, 22 окт — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 52 ног рынчыны, бон раздӕр хъусын кодтой 50 ног рынчыны тыххӕй. Фӕрынчынуӕвджыты иумӕйаг нымӕц республикӕйы ныридӕгӕн у 6753, фехъусын кодтой Роспотребнадзоры.

- 838 адӕймаджы сты амбулаторон хоскӕнынады.

- 57 адӕймаджы хос кӕнынц республикӕйы медицинон уагдӕтты.

- 5788 адӕймаджы сӕнӕниз сты.

- 70 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 41 милуан адӕймагӕй фылдӕр, 1,1 милуан рынчынӕй фылдӕр амардысты.

2
Коронавирус

Цӕгат Иры иу суткӕмӕ сбӕрӕг кодтой коронавирусӕй 50 рынчыны

2
(ранӕуӕггонд 12:59 21.10.2020)
Пандемийы рӕстӕджы республикӕйы рабӕрӕг кодтой 6701 рынчыны коронавирусӕй, уыдонӕй 5740 адӕймаджы сӕнӕниз сты, 70 амардысты

ЦХИНВАЛ, 21 окт — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 50 ног рынчыны. Фӕрынчынуӕвджыты иумӕйаг нымӕц у 6701, фехъусын кодтой Роспотребнадзоры.

- 863 адӕймаджы сты амбулаторон хоскӕнынады.

- 28 адӕймаджы хос кӕнынц республикӕйы медицинон уагдӕтты.

- 5740 адӕймаджы сӕнӕниз сты.

- 70 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 40 милуан адӕймагӕй фылдӕр, 1,1 милуан рынчынӕй фылдӕр амардысты.

2
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

4
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
4