Коронавирус

Цӕгат Иры коронавирусӕй фӕрынчынуӕвджыты нымӕц схызт фарастмӕ

25
(ранӕуӕггонд 11:36 07.04.2020)
Цӕгат Ирыстоны къухдариуӕгад адарддӕр кодта хисӕрмагонд изоляцийы режим 19 апрелы онг. Цӕрджытытӕм ӕрсидтысты ма хизын уынгмӕ ӕнӕ ӕнӕмӕнгхъӕуындзинадӕй

ЦХИНВАЛ, 7 апр — Sputnik. Цӕгат Ирыстоны иу суткӕмӕ сбӕрӕг кодтой коронавирусӕй ноджы иу фӕрынчынуӕвӕджы, хъусын кӕны регионы Роспотребнадзор.

Республикӕйы фӕрынчынуӕвджыты нымӕц схызт фарастмӕ.

"Дыццӕджы райсоммӕ сбӕрӕг кодтой ног коронавирусон инфкцийӕ 9 фӕрынчынуӕвӕджы", - дзырдӕуы хъусинаджы.

Республикӕйы медицинон хъусдарды бын сты 683 адӕймаджы, медицинон хъусдардӕй систой 852 адӕймаджы.

Цӕгат Ирыстоны хисӕрмагонд изоляцийы режим, кӕцыйы рӕстӕджы нӕй гӕнӕн хӕдзӕрттӕй хизын ӕнӕ ӕнӕмӕнгхъӕуындзинадӕй, адарддӕр кодтой 19 апрелы онг.

25
Коронавирус

Цӕгат Иры Роспотребнадзор фехъусын кодта ног бӕрӕггӕнӕнтӕ коронавирусы фӕдыл

3
(ранӕуӕггонд 10:35 28.09.2020)
Пандемийы рӕстӕджы республикӕйы рабӕрӕг кодтой 5785 рынчыны коронавирусӕй, уыдонӕй 4964 адӕймаджы сӕнӕниз сты, 69 амардысты

ЦХИНВАЛ, 28 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны. Фӕрынчынуӕвджыты иумӕйаг нымӕц у 5785, фехъусын кодтой Роспотребнадзоры.

- 728 адӕймаджы сты амбулаторон хоскӕнынады.

- 24 адӕймаджы хос кӕнынц республикӕйы медицинон уагдӕтты.

- 4964 адӕймаджы сӕнӕниз сты.

- 69 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 33 милуан адӕймагӕй фылдӕр, 995 мин рынчынӕй фылдӕр амардысты.

3
Ирыстоны дзюдоисттӕ ӕнтыстджын архайд скодтой ЦКФЗ чемпионаты

Ирыстоны дзюдоисттӕ ӕнтыстджынӕй ралӕууыдысты ЦКФЗ чемпионаты

3
(ранӕуӕггонд 15:27 25.09.2020)
Спортсментӕ цӕгат Ирыстонӕй рамбылдтой 19 хорзӕхы чемпионаты Грозныйы, уыдонӕй авд сты сыгъзӕрин майдантӕ

ЦХИНВАЛ, 25 сен — Sputnik. Цӕгат Ирыстоны командӕ дзюдойӕ ӕнтыстджын архайд скодта Цӕгат Кавказы фӕдералон зылды (ЦКФЗ) чемпионаты Грозныйы. Уый тыххӕй хъусын кӕны республикӕйы физикон культурӕ ӕмӕ спорты министрады пресс-службӕ.

Ирыстойнаг спортсментӕ рамбылдтой авд сыгъзӕрин, авд ӕвзист ӕмӕ фондз бронзӕйон майданы.

Кады пьедесталы фыццаг къӕпхӕнмӕ схызтысты Толасты Арсен (66 кг), Гаглойты Эллина (52 кг), Гӕджиты Кристина (57 кг), Гӕджиты Алина (63 кг), Дзугутты Ирэна (70 кг), Хъуппеты Дзерассӕ (78 кг), Ӕлборты Алана (78+ кг).

Ӕвзист майдантӕ рамбылдтой Икъоты Сослан (100 кг), Дзуццаты Александр ( 100 +кг), Лазарты Алана (48 кг), Бететы Бэла (52 кг), Цырыхаты Дана (57 кг, Калаты Марина (63 кг), Елхъанты Яна (70 кг).

Бронзӕйон майданты хицӕуттӕ баисты Армен Тадевосян (66 кг), Татьяна Савицкая (48 кг), Гӕбӕраты Софья (52 кг), Балаты Дина 57 кг), Къӕбысты Радмила (70 кг).

3
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

0
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

0