Тагъд ӕххуыс

Цӕгат Иры коронавирусӕй амард фыццаг адӕймаг

14
(ранӕуӕггонд 14:06 07.04.2020)
"Роспотребнадзор"-ы бӕрӕггӕнӕнтӕм гӕсгӕ, республикӕйы абоны онг ис коронавирусӕй фараст фӕрынчынуӕвӕджы

ЦХИНВАЛ, 7 мар - Sputnik. Цӕгат Ирыстоны рынчындоны амард 83-аздзыд пациент, кӕцыйӕн раздӕр сбӕрӕг кодтой диагноз "коронавирус", фехъусын кодта регионы "Роспотребнадзор".

Фӕмардуӕвӕг рынчынӕн ма короновирусы ӕмрӕнхъ уыд ӕндӕр патологон низтӕ, банысан кодтой "Роспотребнадзор"-ы.

Цӕгат Ирыстоны ӕнӕниздзинад хъахъхъӕныны министрады куыд фехъусын кодтой, афтӕмӕй вирусон низы уӕвынад пациентӕн сбӕрӕг кодтой республикон лабораторитӕй сӕ иуы.

"Анализтӕ арвыстам Мӕскуымӕ дӕр, "Роспотребнадзор"-ы емынӕты ныхмӕ центрмӕ", - дзырдӕуы уагдоны хъусинаджы.

Ацӕргӕ нӕлгоймагыл вирус бахӕцыд йӕбинонты уӕнгтӕй иуӕй – уый ӕрӕджы ӕрыздӕхт фӕсарӕнтӕй, банысан кодтой ӕнӕниздзинад хъахъхъӕныны министрады. Бинонтӕ иууылдӕр сты медицинон хъусдарды бын.

14
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

2
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

2
COVID-19-имæ уавæр Цæгат Иры

COVID-19-имæ уавæр Цæгат Иры: ноджы иу адæймаг амард инфекцийæ

7
(ранӕуӕггонд 12:04 30.09.2020)
Коронавирусы амæттаг бацис Медицинон академийы клиникон рынчындоны ревматологион хайады дохтыр. Сылгоймаджы амæлæты аххосæгтæ ссисты, коронавирус йæ фæстæ цы низтæ расайдта, уыдон

ЦХИНВАЛ, 30 сен — Sputnik. Цæгат Ирыстоны "Роспотребнадзоры" бæрæггæнæнтæм гæсгæ, республикæйы фæстаг суткæйы дæргъы рабæрæг кодтой коронавирусæй 34 ног фæрынчынуæвæджы, ноджы иу адæймаг та COVID-19 диагнозимæ фæзиан. Уый адыл, æртыццæджы райсоммæ рынчынты иумæйаг нымæц ахызт 5853 онг, инфекци ахаста 70 адæймаджы цард.

15 регион куыд хъусын кæны, афтæмæй коронавирусы амæттаг бацис Медицинон академийы клиникон рынчындоны ревматологион хайады дохтыр. Сылгоймаджы амæлæты аххосæгтæ ссисты, коронавирус йæ фæстæ цы низтæ расайдта, уыдон.

Уымæй дарддæр:

- амбулаторон хоскæнынадыл сты 739 адæймаджы

- республикæйы медуагдæтты хос кæнынц 25 адæймагæн

- сæнæниз сты 5019 адæймаджы

- амардысты 70 адæймаджы

Коронавирусы тынгдæр апарахаты рейтингы Уæрæсе ис цыппæрæм бынаты АИШ, Инди æмæ Бразилийы фæстæ.

7