Цӕгат Иры коронавирусӕй фӕрынчынуӕвджыты нымӕц схызт 65-мӕ

Цӕгат Иры коронавирусӕй фӕрынчынуӕвджыты нымӕц схызт 65-мӕ

10
(ранӕуӕггонд 11:51 16.04.2020)
Коронавирусы апарахаты тыххӕй Цӕгат Ирыстоны сӕргълӕууӕг Битарты Вячеслав адарддӕр кодта ӕнӕкусӕгон бонтӕ республикӕйы 30 апрелы онг

ЦХИНВАЛ, 16 апр — Sputnik. Цӕгат Ирыстоны иу суткӕмӕ сбӕрӕг кодтой коронавирусӕй ноджы 13 фӕрынчынуӕвӕджы. Республикӕйы фӕрынчынуӕвджыты иумӕйаг нымӕц цыппӕрӕмы райсоммӕ у 65 адӕймаджы. Уый тыххӕй хъусын кӕны регионы Роспотребнадзор.

"Иумӕйагӕй медицинон хъусдарды бын хисӕрмагонд изоляцийы сты республикӕйы 903 цӕрӕджы. Медицинон хъусдардӕй систой 1572 адӕймаджы", - дзырдӕуы хъусинаджы.

Коронавирусы апарахаты тыххӕй Цӕгат Ирыстоны сӕргълӕууӕг Битарты Вячеслав адарддӕр кодта ӕнӕкусӕгон бонтӕ республикӕйы 30 апрелы онг.

Амӕйразмӕ Роспотребнадзоры фехъусын кодтой COVID-19-ы тесттӕ кӕй нал ӕрвитдзысты дыккаджы басгӕрстмӕ референс-центрмӕ.

Уӕрӕсейы COVID-19-ӕй фӕрынчынуӕвджыты нымӕц у 24 567 (уыдонӕй 14 776 Мӕскуыйы). Бӕстӕйы ауагътой иу милуан ӕмӕ ӕрдӕг тесты. Вирусӕй фӕмард сты 201 адӕймаджы.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Дунейы вирусӕй ныридӕгӕн фӕрынчын сты дыууӕ милуан адӕймагӕй фылдӕр, 113 мин адӕймагӕй фылдӕр фӕмард сты.

10
Вакцинаци

Битарты Вячеслав: Цӕгат Ир цӕттӕ кӕны массон вакцинацимӕ коронавирусы ныхмӕ

3
(ранӕуӕггонд 11:20 15.01.2021)
Цӕгат Ирыстоны сӕргълӕууӕджы ныхӕстӕм гӕсгӕ, уыдон ӕнхъӕлмӕ кӕсынц вакцинӕйы егъау партимӕ

ЦХИНВАЛ, 15 янв — Sputnik. Цӕгат Ирыстонмӕ абоны бон ӕрластой COVID-19-ы ныхмӕ вакцинӕйы 842 комплекты. Ӕнхъӕлмӕ кӕсынц ноджы егъау партимӕ, цӕмӕй райдайой республикӕйы цӕрджыты массон вакцинаци. Уый тыххӕй фехъусын кодта республикӕйы разамонӕг Битарты Вячеслав "Россия 24"-йы эфиры.

Битарты Вячеславы ныхӕстӕм гӕсгӕ, ӕнӕниздзинад хъахъхъӕнынады министрад ныридӕгӕн хъусын кӕны ацы информаци ӕмбӕстӕгтӕн.

"Республикӕйы ӕнӕниздзинад хъахъхъӕнынады министрад сарӕзта фӕндагон картӕ, кӕцыйы фӕлгӕтты хъусын кӕндзысты информаци ӕмбӕстӕгтӕн. Алкӕмӕндӕр ис фадат бацӕуын горӕты ӕртӕ поликлиникӕмӕ ӕмӕ саразын прививкӕ", - банысан кодта Битарты Вячеслав.

Амӕйразмӕ Уӕрӕсейы президент Владимир Путин хицауады уӕнгтимӕ рабадтыл бахӕс кодта райдайын цӕрджыты массон вакцинаци коронавирусы ныхмӕ.

3
Дохтыртӕ

Дзӕуджыхъӕуы ноджы иу адӕймаг амард COVID-19-ӕй

2
(ранӕуӕггонд 14:54 14.01.2021)
Тӕссаг инфекцион низы амӕттаг баисты ныр 105 рынчыны, бон раздӕр та фехъусын кодтой коронавирусы аххосӕй ӕртӕ зианы тыххӕй

ЦХИНВАЛ, 14 янв - Sputnik. Ивгъуыд суткӕйы Цӕгат Ирыстоны ноджы иу адӕймаг амард  COVID-19 диагнозимӕ. Низы амӕттаг баисты ныр 105 рынчыны, фехъусын кодтой Роспотребнадзоры.

Иу суткӕмӕ цӕгатирыстойнаг республикӕйы рабӕрӕг ис коронавирусӕй 81 ног рынчыны

"Цӕгат Ирыстоны 2021 азы 14 январы 08:00 сахаты онг бӕрӕггӕнӕнтӕм гӕсгӕ регистрацигонд ӕрцыд 13 260 (+ 81 фӕстаг суткӕйы) рынчыны ног коронавирусон инфекцийӕ", - дзырдӕуы "Роспотребнадзор"-ы хъусинаджы.

Рынчынты иумӕйаг нымӕцӕй (13 260) 12 593сӕнӕниз сты, 119 адӕймаджы сты амбулаторон хоскӕнынадыл ӕмӕ 443 пациенты та хос кӕнынц республикйы медицинон уагдӕтты.

Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы цыппӕрӕм бынат АИШ, Инди ӕмӕ Бразилийы фӕстӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандемии - коронавирусӕй фӕрынчын сты 63 милуан адӕймагӕй фылдӕр.

2
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6