Митинг Дзæуджыхъæуы

Кремлы схуыдтой æнæзаконон Дзæуджыхъæуы протестон акцийы

9
(ранӕуӕггонд 15:23 21.04.2020)
Цæгат Ирыстоны сæйраг горæты къуырисæры ацыд æнæсанкцион митинг, цы ран хайад райстой хиизоляцийы режимимæ разы чи не сты, уыцы æмбæстæгтæ

ЦХИНВАЛ, 21 апр - Sputnik. с.

Къуырисæры Цæгат Ирыстоны цæрджытæ рахызтысты митингмæ, цæмæй равдисой се 'нæразыдзинад хиизоляцийы режимæй. Республикæйы хицауад куыд фехъусын кодта, афтæмæй 200 онг адæймаджы æрдомдтой режимы аивд æмæ уырнын кодтой, вирус тæссаг кæй нæу.

"Куыд фæндыйæ дæр ацы акци уыд æнæзаконон æмæ гæнæн ис æмæ расайа  негативон фæстиуджытæ эпидемиологон уавæрæн. Адæм æрæмбырд сты иумæ, нæ хъахъхъæдтой социалон дистанци. Цалдæр боны фæстæ уымæн уыдзæн æвзæр кæрон", - загъта Песков журналисттæн.

Уый банысан кодта, бынæттон къухдариуæгады кæй хъæуы æруынаффæ кæнын инициативон къордимæ æрцæугæ хабары фæдыл.

"Адæм ацы механизмы фæлгæтты фехъусын кæндзысты сæ проблемæты тыххæй хицауадæн, уый саразын хъæуы сабырæй, диалогы руаджы", - бахахх кодта Песков.

Битарты Вячеслав дыццæджы райсомæй ралæууыд видео-æрсидтимæ республикæйы цæрджытæм æмæ сæм бахатыд хæдзæртты баззайын. Уый ма фехъусын кодта æххуысы тыххæй æмбæстæгтæн, кæцытæ баззадысты æгуыстæй коронавирусы тыххæй.

9
Футбол

Цæгат Иры байгом уыдзӕн футболон командæ "Алания-2"

7
(ранӕуӕггонд 13:26 02.06.2020)
"Алания-2"-йы сæргъ æрлæудзæн ирон футболы хъомылгæнинаг Цорæты Давид, уый зындгонд у йæ архайдæй цалдæр командæйы сконды

ЦХИНВАЛ, 2 июн — Sputnik. Цæгат Ирыстоны æввахс рæстæджы байгом уыдзæн футболон командæ "Алания-2", цы ран архайдзысты æвзонг перспективон хъазджытæ, хъусын кӕны 15 регион.

Хъусинагӕй куыд бӕрӕг у, афтӕмӕй ног командӕйы коллектив суыдзæн сæйраг "Аланийы" сæрмагонд фарм-клуб.

"Ног командæ архайдзæн футболуарзджыты ерысты, кæнæ Цæгат Ирыстоны ерысты. "Алания-2"-йы сæргъ æрлæудзæн ирон футболы хъомылгæнинаг Цорæты Давид, уый зындгонд у йæ архайдæй командæтæ "КАМАЗ", "Алания" æмæ "Кубаны", - дзырдӕуы хъусинаджы.

"Алания-Владикавказ"-ы хъазджытæ та тренерон штабы уынаффæйæ дарддæ кæнынц сæрмагонд тренировкæтæ хиизоляцийы уагæвæрды.

7
Коронавирус

Ноджы дыууӕ адӕймаджы амардысты COVID-19-ӕй Цӕгат Иры

5
Коронавирусӕй фӕрынчынуӕвджыты иумӕйаг нымӕц 2 июньмӕ у 3104, уыдонӕй 2063 сӕнӕниз сты, 58 адӕймаг та амардысты

ЦХИНВАЛ, 2 июн — Sputnik. Цӕгат Ирыстоны ноджы дыууӕ адӕймаджы амардысты коронавирусон инфекцийӕ, фӕмардуӕвджыты иумӕйаг нымӕц у 58. Афтӕ ма иу суткӕмӕ республикӕйы коронавирус сбӕрӕг кодтой 50 адӕймагӕн, фӕрынчынуӕвджыты иумӕйаг нымӕц у 3104 адӕймаджы.

- 853 адæймаджы сты амбулаторон хоскæнынады.

- 130 хос кæнынц республикæйы медицинон уагдæтты.

- 2063 рынчыны сæнæниз сты.

- 58 адӕймаджы амардысты.

Медицинон хъусдард æмæ хиизоляцийы æдæппæт ис республикæйы 987 цæрæджы. Хъусдардæй (хиизоляци) ист æрцыдысты 7083 адæймаджы.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты ӕхсӕз милуан адӕймагӕй фылдӕр, 375 мин рынчынӕй фылдӕр амардысты.

5
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

138
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

138