Дзӕуджыхъӕуы массон аварийы бахъыгдард сты цалдӕр адӕймаджы

Дзӕуджыхъӕуы массон аварийы бахъыгдард сты цалдӕр адӕймаджы

12
(ранӕуӕггонд 12:43 29.04.2020)
Фӕндагон-транспортон цау ӕртӕ хӕдтулгӕйы хайадистӕй ӕрцыд дыццӕджы изӕры Ирыстоны уынгыл

ЦХИНВАЛ, 29 апр — Sputnik. Цӕгат Ирыстоны столицӕйы ӕрцыд фӕндагон-транспортон цау ӕртӕ хӕдтулгӕйы хайадистӕй - "ВАЗ -2107", Toyota Land Cruiser ӕмӕ Toyota Avensis. Аварийы фӕстиуӕгӕн бахъыгдард сты цалдӕр адӕймаджы, хъусын кӕны 15-ӕм Регион.

Цау ӕрцыд дыццӕджы изӕрӕй Ирыстоны уынгыл.

Нысангонд ӕрцыд, фыдыбӕстӕйон хӕдтулгӕйы 22-аздзыд шофыр кӕй сӕмбӕлд Toyota Land Cruiser хӕдтулгӕйыл, кӕцыйыл скъӕрдта 35-аздзыд  нӕлгоймаг. Уый фӕстӕ "ВАЗ 2107"-ыл сӕмбӕлд йӕ фӕстӕ цӕуӕг Toyota Avensis, кӕцыйыл скъӕрдта 29-аздзыд шофыр.

Аварийы фӕстиуӕгӕн фыдыбӕстӕйон автотранспорты шофыр ӕмӕ пассажиры аластой буары цӕфтимӕ Республикон клиникон рынчындонмӕ.

12
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

1
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

1
Коронавирусс

Цӕгат Иры Роспотребнадзоры фехъусын кодтой коронавирусӕй 78 ног рынчыны тыххӕй

2
(ранӕуӕггонд 11:04 30.11.2020)
Пандемийы рӕстӕджы фӕрынынуӕвджыты иумӕйаг нымӕц республикӕйы схызт 9444 онг, уыдонӕй 8665 сӕнӕниз сты, 77 рынчыны та амардысты

ЦХИНВАЛ, 30 ноя – Sputnik. Цӕгат Ирыстоны иу суткӕмӕ сбӕрӕг кодтой коронавирусӕй 78 ног рынчыны. Цыппӕрӕмы райсоммӕйы бӕрӕггӕнӕнтӕм гӕсгӕ, рынчынты иумӕйаг нымӕц схызт 9444 онг.

- 368 адӕймаджы сты амбулаторон хоскӕнынады.

- 334 адӕймаджы хос кӕнынц республикӕйы медицинон уагдӕтты.

- 8665 адӕймаджы сӕнӕнниз сты.

- 77 адӕймаджы амардысты.

Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы цыппӕрӕм бынат АИШ, Инди, Бразили ӕмӕ Францийы фӕстӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 62 милуан адӕймагӕй фылдӕр, 1,4 милуан рынчынӕй фылдӕр амардысты.

2