Цӕгат Иры ахуыссын кодтой зынгсирвӕзт рестораны

Цӕгат Иры ахуыссын кодтой зынгсирвӕзт рестораны

15
(ранӕуӕггонд 10:57 04.05.2020)
Зынгсирвӕзт хуыссын кӕнынмӕ, кӕцы ӕрцыд хуыцаубоны ӕхсӕвы, ӕрбаздахтой ирвӕзынгӕнӕн уагдоны ӕрдӕг сӕдӕмӕ ӕввахс кусӕджы

ЦХИНВАЛ, 4 май - Sputnik. Цӕгат Ирыстоны Горӕтгӕрон районы ссыгъд ресторан ӕмӕ беседкӕтӕ йӕ территорийыл, зынгсирвӕзты фӕзуат уыд 2,5 мин квадратон метры, хъусын кӕны республикӕйы Уӕлвӕткон уавӕрты министрады (УУМ) пресс-службӕ.

Зынгфӕдисонты радгӕсон хайадмӕ цауы фӕдыл информаци ӕрбацыд хуыцаубоны ӕхсӕвы 00.20 сахатыл.

Посмотреть эту публикацию в Instagram

Публикация от ЧП / ВЛАДИКАВКАЗ 🔞1️⃣ (@chp_vladikavkaz)

Уагдоны куыд радзырдтой РИА Новостийӕн, афтӕмӕй зынгсирвӕзт ӕрцыд ресторан "Фермер"-ы Ӕрхонкӕйы станицайы.

"Зынгсирвӕзт кӕронмӕ аиуварс кодтой 6.00 сахатыл. Арты фӕзуат уыд 2,5 мин квадратон метры", - дзырдӕуы хъусинаджы.

Зынгсирвӕзты фӕстиуӕгӕн зианбаййафджытӕ нӕй, бафтыдтой уагдоны. Арт хуыссын кӕнынмӕ ӕрбаздахтой 56 адӕймаджы ӕмӕ техникӕйы 15 иуӕджы.

15
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

1
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

1
Коронавирусс

Цӕгат Иры Роспотребнадзоры фехъусын кодтой коронавирусӕй 78 ног рынчыны тыххӕй

2
(ранӕуӕггонд 11:04 30.11.2020)
Пандемийы рӕстӕджы фӕрынынуӕвджыты иумӕйаг нымӕц республикӕйы схызт 9444 онг, уыдонӕй 8665 сӕнӕниз сты, 77 рынчыны та амардысты

ЦХИНВАЛ, 30 ноя – Sputnik. Цӕгат Ирыстоны иу суткӕмӕ сбӕрӕг кодтой коронавирусӕй 78 ног рынчыны. Цыппӕрӕмы райсоммӕйы бӕрӕггӕнӕнтӕм гӕсгӕ, рынчынты иумӕйаг нымӕц схызт 9444 онг.

- 368 адӕймаджы сты амбулаторон хоскӕнынады.

- 334 адӕймаджы хос кӕнынц республикӕйы медицинон уагдӕтты.

- 8665 адӕймаджы сӕнӕнниз сты.

- 77 адӕймаджы амардысты.

Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы цыппӕрӕм бынат АИШ, Инди, Бразили ӕмӕ Францийы фӕстӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 62 милуан адӕймагӕй фылдӕр, 1,4 милуан рынчынӕй фылдӕр амардысты.

2