Мӕскуыйы ирӕттӕ арвыстой Цӕгат Ирмӕ рӕуджыты вентиляцийы аппараттӕ ӕмӕ хъахъхъӕнӕн фӕрӕзтӕ

Мӕскуыйы ирӕттӕ арвыстой Цӕгат Ирмӕ РВА ӕмӕ хъахъхъӕнӕн фӕрӕзтӕ

6
(ранӕуӕггонд 12:08 07.05.2020)
Цӕгат Ирыстоны столицӕмӕ ӕрластой рӕуджыты вентиляцийы фондз аппараты ӕмӕ хъахъхъӕнӕн фӕрӕзтӕ дохтыртӕн – республикӕйы Ӕнӕниздзинад хъахъхъӕнынады министрад сӕ байуардзӕн медицинон уагдӕттӕн

ЦХИНВАЛ, 7 май — Sputnik. Мӕскуыйаг ирон ӕхсӕнады минӕвӕрттӕ радтой Ирыстонӕн рӕуджыты вентиляцийы аппараттӕ, хъусын кӕны ӕхсӕнады пресс-службӕ.

Джӕуджыхъӕумӕ ныридӕгӕн ӕрластой рӕуджыты вентиляцийы фондз аппараты ӕмӕ хъахъхъӕнӕн фӕрӕзтӕ дохтыртӕн. Республикӕйы Ӕнӕниздзинад хъахъхъӕнынады министрад сӕ байуардзӕн медицинон уагдӕттӕн.

"Иумӕйагӕй Ирыстонмӕ ӕрласдзысты рӕуджыты вентиляцийы 10 аппараты, 20 мин респираторы ӕмӕ 2800 хъахъхъӕнӕн костюмы дохтыртӕн, сӕ иумӕйаг аргъ у 30 милуан сомы", - дзырдӕуы хъусинаджы.

Роспотребнадзоры фӕстаг бӕрӕггӕнӕнтӕм гӕсгӕ, Цӕгат Ирыстоны сбӕрӕг кодтой COVID-19-ӕй 1436 фӕрынчынуӕвӕджы, 10 адӕймаджы фӕмард сты, сӕ нымӕцы иу дохтыр.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 3,7 милуан адӕймагӕй фылдӕр, 262 мин рынчынӕй фылдӕр амардысты.

6
Коронавирус

Цӕгат Иры иу суткӕмӕ сбӕрӕг кодтой коронавирусӕй 50 рынчыны

2
(ранӕуӕггонд 12:59 21.10.2020)
Пандемийы рӕстӕджы республикӕйы рабӕрӕг кодтой 6701 рынчыны коронавирусӕй, уыдонӕй 5740 адӕймаджы сӕнӕниз сты, 70 амардысты

ЦХИНВАЛ, 21 окт — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 50 ног рынчыны. Фӕрынчынуӕвджыты иумӕйаг нымӕц у 6701, фехъусын кодтой Роспотребнадзоры.

- 863 адӕймаджы сты амбулаторон хоскӕнынады.

- 28 адӕймаджы хос кӕнынц республикӕйы медицинон уагдӕтты.

- 5740 адӕймаджы сӕнӕниз сты.

- 70 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 40 милуан адӕймагӕй фылдӕр, 1,1 милуан рынчынӕй фылдӕр амардысты.

2
Бронеавтомобиль Тигр-М.

Цæгат Иры фæдысгарджыты сифтонг кодтой "Тигр-М" бронеавтомобильтæй

5
(ранӕуӕггонд 13:45 20.10.2020)
Ног техникæ фæтыхджындæр кæндзæн фæдысгарджыты гæрзифтонгад, змæлынад æмæ хæстон фадӕттæ, банысан кодта Хуссары æфсæддон зылды пресс-службæ

ЦХИНВАЛ, 20 окт – Sputnik. Хуссары æфсæддон зылды 58 иумæйагæфсӕддон æфсады фæдысгарæн иугондӕн Цæгат Ирыстонмӕ ӕрӕрвыстой модернизацигонд бронеавтомобильтæ "Тигр-М", хъусын кӕны зылды пресс-службӕ.

"Ног техникæ фæтыхджындæр кæндзæн фæдысгарджыты гæрзифтонгад, змæлынад æмæ хæстон фадӕттæ", – радзырдтой Хуссары æфсæддон зылды пресс-службæйы.

Бронеавтомобиль "Тигр-М"-æй пайда цæудзæн фæдысгæрсты, фæсдзыд кæныны æмæ колоннæтæ хъахъхъæныны рæстæджы, æфсæдтæм цæстдарды æмæ сын æххуысы хъуыддаджы.

Хæдтулгæйыл ис, нæмыг кæй нæ исы, ахæм цæлхытæ рæмудзæн фæрæзты уæлæмхасæнтимæ, интеграцигонд керамикон згъæр, минæты ныхмæ хъахъхъæнынад, сæрмагонд æвгтæ æмæ фондз видеокамерæйы дæрдтыл фæлгæсынæн.

5
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

5
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
5