Футболон клуб Алани финансон ӕххуыс бакодта Цӕгат Иры ӕххуысхъуаг бинонтӕн

Футболон клуб "Алани" финансон ӕххуыс бакодта Цӕгат Иры ӕххуысхъуаг бинонтӕн

10
(ранӕуӕггонд 10:58 12.05.2020)
Клубы минӕврттӕ хорзыл банымадтой клубы президент Гуыриаты Владимиры хъӕппӕрис – баххуыс кӕнын бинонтӕн, кӕцытӕ бахаудтой зын цардуагон уавӕрты пандемийы рӕстӕджы

ЦХИНВАЛ, 12 мая — Sputnik. Футболон клуб "Алани Дзӕуджыхъӕу" пандемийы рӕстӕджы финансон ӕххуыс бакодта 450 ӕххуысхъуаг бинонтӕн Цӕгат Ирыстоны. Уый тыххӕй дзырдӕуы клубы официалон сайтыл.

Клубы кусджытӕ ӕмӕ футболисттӕ финансон ӕххуыс бакодтой номхыгъдтӕм гӕсгӕ, кӕцытӕ сарӕзтой республикӕйы къухдариуӕгады профилон органтӕ ӕмӕ волонтерон организацитӕ.

"Цӕмӕн бакодтам финансон ӕххуыс? Уымӕн ӕмӕ ахӕм ӕххуысмӕ ӕнхъӕлмӕ кӕсынц адӕм. Продукттӕ ӕмӕ фыццаг ӕнӕмӕнгхъӕуындзинады базайрӕгтӕ кӕй хъӕуы, уыдон сӕ балхӕндзысты ацы фӕрӕзтӕй. Фӕлӕ ис ахӕмтӕ, кӕцыты хъӕуы бафидын кредит, балхӕнын хостӕ ӕмӕ афтӕ дарддӕр", - дзырдӕуы хъусинаджы.

11 майы бӕрӕггӕнӕнтӕм гӕсгӕ, Цӕгат Ирыстоны коронавирусӕй рынчынты нымӕц у 1723. Амбулаторон хоскӕнынады сты 1315 адӕймаджы, 91 пациенты хоскӕнынад цӕуынц республикӕйы медицинон уагдӕтты. Цӕгат Ирыстоны сӕргълӕууӕг Битарты Вячеслав адарддӕр кодта хисӕрмагонд изоляцийы режим республикӕйы 31 майы онг.

10
Цæрæнуаты арæзтад

Цæгат Иры эксплуатацимӕ радтой 77 мин квадратон метры цæрæнуат

6
(ранӕуӕггонд 15:53 26.05.2020)
Ивгъуыд азы аналогион æмгъуыдмæ республикæйы эксплуатацийы ауагътой дыууæ мин метры къаддæр цæрæнуат

ЦХИНВАЛ, 26 май - Sputnik. Цæгат Ирыстоны 2020 азы фыццаг кварталы эксплуатацийы ауагътой цæрæнуаты 77 мин кв. метры. Уый тыххæй хъусын кæны 15 Регион, республикæйы арæзтад æмæ архитектурæйы министрады пресс-службæйы информацийыл æнцойгæгæйæ.

"Пандемимæ ӕнæ кæсгæйæ, Цæгат Ирыстоны цæрæнуат уагъд цæуы эксплуатацийы. Цæвиттон, ивгъуыд азы аналогион æмгъуыдмæ республикæйы эксплуатацийы ауагътой цæрæнуаты 75 мин квадратон метры. Уый, ацы азимæ абаргæйæ, у дыууæ мин метры къаддæр",— фæбæрæг кодтой уагдоны.

Ӕрӕджы ма Цæгат Ирыстоны хицауады фехъусын кодтой, 2020 азы 73 сидзæр æмæ ныййарджыты æвджидæй фæхауæг сывæллæттæн лæвæрд кӕй æрцæудзæн фатертæ.

6
Полици

Дзæуджыхъæуы нозтджын шофыр ныццавта дыууæ полицæйаджы 

14
(ранӕуӕггонд 15:42 25.05.2020)
Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын. Нæлгоймагæй æрдомдæуыд административон бæрндзинад

ЦХИНВАЛ, 25 май - Sputnik. Цæгат Ирыстоны федералон цæстдарды-уадзæн пункт "Чермен"-ы нозтджын шофыр ныццавта дыууæ полицæйаджы, хъусын кæны 15 регион.

Хъусинагæй куыд бæрæг у, афтæмæй рог хæдтулгæйы шофыр нæ фæцарæхст скъæрын æмæ бетон гæрæныл баскъæрдта, уый фæстæ хæдтулгæ фæндаджы иуварсмæ рахауд.

"Цауы аххосæй хъыгдард баййæфтой Уæрæсейы мидхъуыддæгты министрады органты æмæ дæлхайæдты рæстæгмæйы оперативон къорды дыууæ кусæджы. Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын, - дзырдæуы хъусинаджы.

Нæлгоймагæй æрдомдæуыд административон бæрндзинад. Хъыгдард баййафджытæ госпитализацигонд æрцыдысты медицинон уагдонмæ.

14
Цхинвал

Хуссар Иры цӕрджытӕм ацы къуыри ӕнхъӕлмӕ кӕсынц дӕргъвӕтин улӕфт бонтӕ

2
Республикӕйы цӕрджытӕ улӕфдзысты ӕртӕ боны фӕд-фӕдыл Хуссар Ирыстоны хӕдбардзинад расидыны Акт райсыны боны цытӕн

ЦХИНВАЛ, 28 май — Sputnik. Хуссар Ирыстон ацы къуыри нысан кӕны РХИ хӕдбардзинады Акт райсыны бон, уый фӕдыл республикӕйы цӕрджытӕ улӕфдзысты ӕртӕ боны.

Бӕргбонон датӕ майрӕмбонмӕ кӕй ӕрхаудта, уый фӕдыл кусӕгон цӕрджытӕн дӕргъвӕтин улӕфт бонтӕ уыдзысты 29-31 майы.

Хуссар Ирыстоны хӕдбардзинад расидыны Акт райста республикӕйы Уӕлдӕр совет 1992 азы 29 майы. Президенты барамындмӕ гӕсгӕ, ацы датӕ бахастой Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ.

2