тыхдымгæ

Цӕгат Иры фæдзæхсынц тыхдымгæ æмæ ихуардæй

8
(ранӕуӕггонд 12:17 22.05.2020)
Тæрккъæвдатæ, ихуард æмæ тыхджын дымгæ æрбахæццæ кæнынц Цæгат Ирыстонмæ, фæдзæхсы регионалон УУМ

ЦХИНВАЛ, 22 май — Sputnik. Ӕввахс дыууæ суткæйы Цæгат Ирыстоны уыдзæн тæрккъæвдатæ, ихуард æмæ тыхдымгæ, хъусын кæны РЦИ-А Уæлвæткон уавæрты министрад.

"Синоптикты бæрæггæнæнтæм гæсгæ 22 – 24 майы Цæгат Ирыстоны кӕцыдӕр районты уыдзæн тæрккъæвдатæ, ихуард æмæ дымгæйы тынгад 20-25 м/с онг", - дзырдӕуы уагдоны пресс-службӕйы хъусинаджы.

Уымӕ гӕсгӕ, республикӕйы рагзагъд цæуы цæугæдæтты доны æмвæзады фæуæлдæр, ранæй-рæтты тӕссаг бæрæггæнæнты онг. Хæхты уыдзæн лæсæнты чысыл гуырахст, банысан кодтой УУМ.

8
Цæрæнуаты арæзтад

Цæгат Иры эксплуатацимӕ радтой 77 мин квадратон метры цæрæнуат

6
(ранӕуӕггонд 15:53 26.05.2020)
Ивгъуыд азы аналогион æмгъуыдмæ республикæйы эксплуатацийы ауагътой дыууæ мин метры къаддæр цæрæнуат

ЦХИНВАЛ, 26 май - Sputnik. Цæгат Ирыстоны 2020 азы фыццаг кварталы эксплуатацийы ауагътой цæрæнуаты 77 мин кв. метры. Уый тыххæй хъусын кæны 15 Регион, республикæйы арæзтад æмæ архитектурæйы министрады пресс-службæйы информацийыл æнцойгæгæйæ.

"Пандемимæ ӕнæ кæсгæйæ, Цæгат Ирыстоны цæрæнуат уагъд цæуы эксплуатацийы. Цæвиттон, ивгъуыд азы аналогион æмгъуыдмæ республикæйы эксплуатацийы ауагътой цæрæнуаты 75 мин квадратон метры. Уый, ацы азимæ абаргæйæ, у дыууæ мин метры къаддæр",— фæбæрæг кодтой уагдоны.

Ӕрӕджы ма Цæгат Ирыстоны хицауады фехъусын кодтой, 2020 азы 73 сидзæр æмæ ныййарджыты æвджидæй фæхауæг сывæллæттæн лæвæрд кӕй æрцæудзæн фатертæ.

6
Полици

Дзæуджыхъæуы нозтджын шофыр ныццавта дыууæ полицæйаджы 

14
(ранӕуӕггонд 15:42 25.05.2020)
Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын. Нæлгоймагæй æрдомдæуыд административон бæрндзинад

ЦХИНВАЛ, 25 май - Sputnik. Цæгат Ирыстоны федералон цæстдарды-уадзæн пункт "Чермен"-ы нозтджын шофыр ныццавта дыууæ полицæйаджы, хъусын кæны 15 регион.

Хъусинагæй куыд бæрæг у, афтæмæй рог хæдтулгæйы шофыр нæ фæцарæхст скъæрын æмæ бетон гæрæныл баскъæрдта, уый фæстæ хæдтулгæ фæндаджы иуварсмæ рахауд.

"Цауы аххосæй хъыгдард баййæфтой Уæрæсейы мидхъуыддæгты министрады органты æмæ дæлхайæдты рæстæгмæйы оперативон къорды дыууæ кусæджы. Цауы аххосджын разынд Мæхъæлы 37-аздзыд цæрæг, уыцы рæстæджы уый уыд нозтджын, - дзырдæуы хъусинаджы.

Нæлгоймагæй æрдомдæуыд административон бæрндзинад. Хъыгдард баййафджытæ госпитализацигонд æрцыдысты медицинон уагдонмæ.

14
Цхинвал

Хуссар Иры цӕрджытӕм ацы къуыри ӕнхъӕлмӕ кӕсынц дӕргъвӕтин улӕфт бонтӕ

2
Республикӕйы цӕрджытӕ улӕфдзысты ӕртӕ боны фӕд-фӕдыл Хуссар Ирыстоны хӕдбардзинад расидыны Акт райсыны боны цытӕн

ЦХИНВАЛ, 28 май — Sputnik. Хуссар Ирыстон ацы къуыри нысан кӕны РХИ хӕдбардзинады Акт райсыны бон, уый фӕдыл республикӕйы цӕрджытӕ улӕфдзысты ӕртӕ боны.

Бӕргбонон датӕ майрӕмбонмӕ кӕй ӕрхаудта, уый фӕдыл кусӕгон цӕрджытӕн дӕргъвӕтин улӕфт бонтӕ уыдзысты 29-31 майы.

Хуссар Ирыстоны хӕдбардзинад расидыны Акт райста республикӕйы Уӕлдӕр совет 1992 азы 29 майы. Президенты барамындмӕ гӕсгӕ, ацы датӕ бахастой Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ.

2