Дзӕуджыхъӕу

Дзӕуджыхъӕуы ирвӕзынгӕнджытӕ агурынц Терчы ныххауӕг нӕлгоймаджы

6
(ранӕуӕггонд 11:38 25.06.2020)
Цӕстӕйфенджытӕ ӕнамонд цауы тыххӕй ирвӕзынгӕнджытӕм фехъусын кодтой райсом 7.00 сахатыл, уӕдӕй нырмӕ нӕлгоймаджы агурынц цӕугӕдоны дыууӕ былыл дӕр

ЦХИНВАЛ, 25 июн — Sputnik. Цӕгатирыстойнаг ирвӕзынгӕнджытӕ агурынц нӕлгоймаджы, кӕцы ныххауд Терчы, хъусын кӕны ПТРК "Алания".

Развӕлгъау информацимӕ гӕсгӕ, нӕлгоймаг цӕугӕдоны ныххауд Горькийы уынгыл хиды цурӕй. Цауы цӕстӕйфенджытӕ бафӕлвӕрдтой фервӕзын кӕнын нӕлгоймаджы, фӕлӕ йӕ уӕдмӕ дон аласта. Уыдон ӕнамонд цауы тыххӕй ирвӕзынгӕнджытӕм фехъусын кодтой райсом 7.00 сахатыл, уӕдӕй нырмӕ нӕлгоймаджы агурынц цӕугӕдоны дыууӕ былыл дӕр.

Посмотреть эту публикацию в Instagram

Публикация от ЧП / ВЛАДИКАВКАЗ 🔞1️⃣ (@chp_vladikavkaz)

Ирвӕзынгӕнӕн операцийы хайад исынц Цӕгат Ирыстоны УУМ агурӕн-ирвӕзынгӕнӕн къорды 11 кусӕджы, фӕйнӕ фондз кусӕджы та Специализацигонд зынгфӕдисон-ирвӕзынгӕнӕн часты ӕмӕ республикон службӕтӕй.

6
Коронавирус

Цӕгат Иры Роспотребнадзор фехъусын кодта ног бӕрӕггӕнӕнтӕ коронавирусы фӕдыл

3
(ранӕуӕггонд 10:35 28.09.2020)
Пандемийы рӕстӕджы республикӕйы рабӕрӕг кодтой 5785 рынчыны коронавирусӕй, уыдонӕй 4964 адӕймаджы сӕнӕниз сты, 69 амардысты

ЦХИНВАЛ, 28 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны. Фӕрынчынуӕвджыты иумӕйаг нымӕц у 5785, фехъусын кодтой Роспотребнадзоры.

- 728 адӕймаджы сты амбулаторон хоскӕнынады.

- 24 адӕймаджы хос кӕнынц республикӕйы медицинон уагдӕтты.

- 4964 адӕймаджы сӕнӕниз сты.

- 69 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 33 милуан адӕймагӕй фылдӕр, 995 мин рынчынӕй фылдӕр амардысты.

3
Ирыстоны дзюдоисттӕ ӕнтыстджын архайд скодтой ЦКФЗ чемпионаты

Ирыстоны дзюдоисттӕ ӕнтыстджынӕй ралӕууыдысты ЦКФЗ чемпионаты

3
(ранӕуӕггонд 15:27 25.09.2020)
Спортсментӕ цӕгат Ирыстонӕй рамбылдтой 19 хорзӕхы чемпионаты Грозныйы, уыдонӕй авд сты сыгъзӕрин майдантӕ

ЦХИНВАЛ, 25 сен — Sputnik. Цӕгат Ирыстоны командӕ дзюдойӕ ӕнтыстджын архайд скодта Цӕгат Кавказы фӕдералон зылды (ЦКФЗ) чемпионаты Грозныйы. Уый тыххӕй хъусын кӕны республикӕйы физикон культурӕ ӕмӕ спорты министрады пресс-службӕ.

Ирыстойнаг спортсментӕ рамбылдтой авд сыгъзӕрин, авд ӕвзист ӕмӕ фондз бронзӕйон майданы.

Кады пьедесталы фыццаг къӕпхӕнмӕ схызтысты Толасты Арсен (66 кг), Гаглойты Эллина (52 кг), Гӕджиты Кристина (57 кг), Гӕджиты Алина (63 кг), Дзугутты Ирэна (70 кг), Хъуппеты Дзерассӕ (78 кг), Ӕлборты Алана (78+ кг).

Ӕвзист майдантӕ рамбылдтой Икъоты Сослан (100 кг), Дзуццаты Александр ( 100 +кг), Лазарты Алана (48 кг), Бететы Бэла (52 кг), Цырыхаты Дана (57 кг, Калаты Марина (63 кг), Елхъанты Яна (70 кг).

Бронзӕйон майданты хицӕуттӕ баисты Армен Тадевосян (66 кг), Татьяна Савицкая (48 кг), Гӕбӕраты Софья (52 кг), Балаты Дина 57 кг), Къӕбысты Радмила (70 кг).

3
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3