Ӕдасдзинады федералон службӕ

Дзӕуджыхъӕуы не ‘руагътой теракт

15
Уӕрӕсейы 30-аздзыд цӕрӕг фӕнд кодта спырх кӕнын хиарӕзт рӕмудзӕн ӕрмӕг административон бӕстыхӕйттӕй сӕ иуы раз

ЦХИНВАЛ, 30 июн — Sputnik. Цӕгат Ирыстоны ӕрцахстой территористон организаци "Пысылмон паддзахад"-ы фарслӕууӕджы, кӕцы нывӕндыд сӕххӕст кӕнын теракт, хъусын кӕны РИА Новости Ӕдасдзинады федералон службӕйыл (ӔРС) ӕнцойгӕнгӕйӕ.

"Дзӕуджыхъӕуы не ‘руагътой террористон акт. Ӕрцахстой Уӕрӕсейы 30-аздзыд ӕмбӕстаджы, кӕцы фӕнд кодта спырх кӕнын хиарӕзт рӕмудзӕн ӕрмӕг административон бӕстыхӕйттӕй сӕ иуы раз", - дзырдӕуы сӕрмагонд службӕйы хъусинаджы.

Теракты фӕстӕ фыдгӕнӕг нывӕндыд ацӕуын Ӕввахс Ныгуылӕнмӕ, цӕмӕй хайад иса ӕхсӕнадӕмон террористон организаци "ИГИЛ"-ы архайды.

Басгӕрсты рӕстӕджы фыдгӕнӕгмӕ ссардтой хиарӕзт рӕмудзӕн ӕрмӕджы компоненттӕ. Афтӕ ма йӕм ссардтой фыстӕджытӕ "Пысылмон паддзахад"-ы хайадисджытимӕ, кӕцытӕ сты фӕсарӕнты.

Барадхъахъхъӕнӕг органтӕ бакодтой уголовон хъуыддаг "Террористон организацийы архайды хайад исыны" статьямӕ.

15
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

0
(ранӕуӕггонд 12:11 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембӕлд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

0
Коронавирус

Цӕгат Иры Роспотребнадзор фехъусын кодта ног бӕрӕггӕнӕнтӕ коронавирусы фӕдыл

3
(ранӕуӕггонд 10:35 28.09.2020)
Пандемийы рӕстӕджы республикӕйы рабӕрӕг кодтой 5785 рынчыны коронавирусӕй, уыдонӕй 4964 адӕймаджы сӕнӕниз сты, 69 амардысты

ЦХИНВАЛ, 28 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны. Фӕрынчынуӕвджыты иумӕйаг нымӕц у 5785, фехъусын кодтой Роспотребнадзоры.

- 728 адӕймаджы сты амбулаторон хоскӕнынады.

- 24 адӕймаджы хос кӕнынц республикӕйы медицинон уагдӕтты.

- 4964 адӕймаджы сӕнӕниз сты.

- 69 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 33 милуан адӕймагӕй фылдӕр, 995 мин рынчынӕй фылдӕр амардысты.

3